ផ្លឹស-ខេអេក ញូវ

មិននឹកស្មានថា អតីតស្វាមីរបស់ Britney Spears ហ៊ានសម្រុកចូលផ្ទះនាងដើម្បីបំផ្លាញរោងការនាងជាមួយស្វាមីក្រោយសោះ

កម្សាន្ត
June 14th, 2022 (3 years)
Views: 158
Share

អាមេរិក៖ បន្ទាប់ពីភ្ជាប់ពាក្យអស់រយៈពេល ១ឆ្នាំមក តារាចម្រៀង Britney Spears បានសម្រេចចិត្តយកថ្ងៃទី០៩ ខែមិថុនា ឆ្នាំ២០២២ ជាថ្ងៃមង្គលរបស់នាង និងគូដណ្តឹងដែលនឹងប្រារព្ធឡើងនៅ Los Angeles។ យោងតាមប្រភព TMZ បានឱ្យដឹងថា តារាស្រីរូបនេះបានកំណត់ចំនួនភ្ញៀវត្រឹម១០០នាក់ប៉ុណ្ណោះ។ ទោះជាយ៉ាងណាក្រុមគ្រួសារនាង មិនមានវត្តមានក្នុងពិធីមង្គលមួយនេះឡើយ ប៉ុន្តែពួកគេនៅតែត្រេកអរជាមួយកម្មវិធីរបស់នាងដដែល។

គ្រប់គ្នាកំពុងញាប់ដៃញាប់ជើងធ្វើការតុបតែងដំឡើងផ្កាស្រស់ចម្រុះពណ៌យ៉ាងស្រស់ស្អាតរហូតទទួលបានការចាប់អារម្មណ៍ជាខ្លាំង ប៉ុន្តែអ្វីដែលនឹកស្មានមិនដល់នោះ អតីតស្វាមីដែលជាមិត្តភក្តិកាលពីកុមារភាពរបស់ Britney ដែលអ្នកទាំង២ធ្លាប់បានរៀបការនឹងគ្នាបានតែ ៥៥ម៉ោងប៉ុណ្ណោះក៏លែងលះគ្នាវិញនោះ បានសម្រុកចូលទៅផ្ទះតារាចម្រៀងស្រីរូបនេះ និងបំផ្លាញរោងការដែលកំពុងដំណើរការតុបតែងយ៉ាងរលូន។

មិនត្រឹមតែប៉ុណ្ណោះលោកថែមទាំងឆោឡោប្រាប់គ្រប់គ្នានៅទីនោះថា Britney ជាអ្នកហៅលោកឱ្យមក។ មិនយូរប៉ុន្មានប៉ូលិសក៏បានទៅដល់ និងឃាត់ខ្លួនលោកភ្លាមៗតែម្តង។ គួរបញ្ជាក់ដែរថា ដំណឹងដែលអតីតស្វាមី Britney ចូលទៅបំផ្លាញរោងការដែលកំពុងតុបតែងនោះត្រូវបានអ្នកគាំទ្ររបស់នាងជាអ្នកប្រាប់ដំណឹងមួយនេះបន្ទាប់ពីឃើញលោក Live បង្ហាញឱ្យឃើញពីសកម្មភាពរបស់ខ្លួននៅលើបណ្តាញសង្គម៕

អត្ថបទទាក់ទង