ផ្លឹស-ខេអេក ញូវ

Sonija Kwok បានឱ្យដឹងថា ការដែលនាងព្រមដាក់ពាក្យប្រលងបវរកញ្ញាដោយតារាសម្តែង Tang Chi Fung

កម្សាន្ត
June 15th, 2022 (4 years)
Views: 276
Share

ហុងកុង៖ Sonija Kwok បានសាងស្នាដៃក្នុងភាពយន្តជាច្រើនឱ្យប៉ុស្ថិ៍ទូរទស្សន៍ TVB អស់រយៈពេលជាច្រើនឆ្នាំមិនថារឿងបុរាណ ឬ សម័យឡើយ។ យ៉ាងណាមិញ បន្ទាប់ពីបញ្ចប់កុងត្រាជាមួយ TVB រួចមក Sonija ក៏បានបញ្ឈប់ការសម្តែងភាពយន្តអស់រយៈពេលជាច្រើនឆ្នាំមកហើយ ទើបតែថ្មីៗនេះប៉ុណ្ណោះដែលតារាស្រីវ័យ ៤៧ឆ្នាំរូបនេះ បានទទួលថតខ្សែភាពយន្តខ្នាតតូចមួយឱ្យប៉ុស្ថិ៍ទូរទស្សន៍ Viu។

បន្ទាប់ពីផ្តល់បទសម្ភាសន៍នៃការត្រលប់មកប្រលូកក្នុងការសម្តែងនេះ Sonija ក៏បានឆ្លៀតរំឭកដល់អតីតកាលនៃការចូលប្រកួតបវរកញ្ញាកាលពីអំលុងឆ្នាំ១៩៩៩ ដោយនាងបានបញ្ជាក់ថា ការដែលនាងសម្រេចចិត្តដាក់ពាក្យប្រកួតនោះដោយសារតែតារាសម្តែង Tang Chi Fung។

Sonija បានឱ្យដឹងថា មុនពេលចូលសិល្បៈ នាងធ្លាប់ធ្វើជាបាហុនិកា ដែលកាលណោះនាងបានជួបនឹងលោក Tang Chi Fung នៅលើយន្តហោះ ពេលនោះលោកបានសួរនាងថា ហេតុអ្វីនាងមិនដាក់ពាក្យប្រលងបវរកញ្ញា? ប្រសិនជានាងដាក់ពាក្យនោះ ខ្ញុំជឿថានាងប្រាកដជាឈ្នះមកុដបវរកញ្ញាមិនខាន។

គួរបញ្ជាក់ដែរថា ក្រៅពីតារាសម្តែង Tang Chi Fung ជំរុញហើយនោះ ក៏នៅមានមនុស្សជាច្រើននាក់ទៀតតែងជំរុញឱ្យនាងចូលរួមប្រកួតបវរកញ្ញាសម្អាងលើរូបសម្រស់ដ៏ស្រស់ស្អាតរបស់នាង សូម្បីតែពេលនាងទៅដាក់ពាក្យធ្វើជាប៉ូលិស ក៏មានប៉ូលិសស្រីនៅទីនោះសួរនាងដែរថា ហេតុអ្វីនាងមិនចូលរួមប្រកួតបវរកញ្ញា?

សរុបសេចក្តីមក បន្ទាប់ពីមានមនុស្សជាច្រើននាំគ្នាជំរុញ ថែមទាំងការលើកទឹកចិត្តពីតារាប្រុស Tang Chi Fung ទីបំផុត Sonija ក៏សម្រេចចិត្តដាក់ពាក្យប្រកួត និងទីបំផុតនាងពិតជាដណ្តើមបានមកុដបវរកញ្ញាកាលពីឆ្នាំ ១៩៩៩ ដោយផ្អែកលើរូបសម្រស់ ចំណេះដឹង ស្នាមញញឹមដ៏ស្រស់ និងភាពឆ្លាតវៃរបស់នាងផងដែរ៕

រូបភាពរបស់តារា Sonija Kwok និង Tang Chi Fung

អត្ថបទទាក់ទង

Sonija Kwok បានឱ្យដឹងថា ការដែល​នាងព្រម​ដាក់ពាក្យ​ប្រលង​បវរកញ្ញា​ដោយ​តារាសម្តែង Tang Chi Fung

Sonija Kwok បានឱ្យដឹងថា ការដែលនាងព្រមដាក់ពាក្យប្រលងបវរកញ្ញាដោយតារាសម្តែង Tang Chi Fung