ផ្លឹស-ខេអេក ញូវ

នេះទើបហៅថាមិត្តភាពពិតប្រាកដ! Ella ត្រូវ Selina និង Hebe ធ្វើឱ្យរំភើបដល់ស្រក់ទឹកភ្នែកនៅថ្ងៃពិសេស

កម្សាន្ត
June 23rd, 2022 (2 years)
Views: 100
Share

តៃវ៉ាន់៖ រំឭកទៅកាលពីថ្ងៃទី១៨ ខែមិថុនា ថ្ងៃសៅរ៍សប្តាហ៍មុនគឺជាថ្ងៃកំណើតរបស់តារាចម្រៀងវ័យ ៤១ឆ្នាំ Ella Chen ហើយក៏ជាថ្ងៃដែលធ្វើឱ្យនាងរីករាយបំផុតបន្ទាប់ពីអតីតសមាជិក្រុម S.H.E ២រូបទៀតបានមកពញាក់អារម្មណ៍នឹកស្មានមិនដល់។

សមាជិក S.H.E ដែលរួមមាន Ella Chen, Selina Jen និង Hebe Tien មិនត្រឹមតែជាសមាជិកក្រុមការងារនឹងគ្នាប៉ុណ្ណោះទេ ប៉ុន្តែអាចនិយាយបានថាអ្នកទាំង៣រាប់អានគ្នាដូចបងប្អូនអ៊ីចឹង បើទោះជាពេលនេះម្នាក់ៗបានដើរលើផ្លូវរៀងខ្លួនបន្ទាប់ពីបានបញ្ចប់កុងត្រាជាមួយផលិតកម្មចម្រៀង HIM កាលពីឆ្នាំ២០១៩។

យ៉ាងណាមិញ ខួបកំណើតរៀងរាល់ឆ្នាំ អ្នកទាំង៣តែងរៀបចំឱ្យគ្នាទៅវិញទៅមក ដែលជាក់ស្តែងនៅថ្ងៃខួបឈានចូលវ័យ ៤១ឆ្នាំរបស់ Ella ឆ្នាំនេះ Selina និង Hebe បាននាំគ្នាកុហកថាមិនអាចប្រារព្ធកម្មវិធីឱ្យឡើយដោយសាររវល់ជាមួយការងារ ប៉ុន្តែចុងក្រោយអ្នកទាំង២បានយកឡានមួយគ្រឿងពោរពេញដោយម្ហូបអាហារ នំចំណីទៅដល់កន្លែង Ella ធ្វើការតែម្តង។

គម្រោងការដែល Selina និង Hebe ពញាក់អារម្មណ៍ Ella បានសម្រេចរហូត Ella រំភើបដល់ស្រក់ទឹកភ្នែក ដែលនេះពិតជាបានបង្ហាញពីមិត្តភាពដ៏គួរឱ្យស្ញប់ស្ញែងរបស់អ្នកទាំង៣ ដែលមានរយៈពេលជាយូរឆ្នាំមកនេះ៕

អត្ថបទទាក់ទង