ផ្លឹស-ខេអេក ញូវ

Wayne Lai ទទួលបានការកោតសរសើរនៅពេលឈរចាំដំណើរទៅប្រទេសចិនរយៈពេល ៣ម៉ោងជាមួយនឹងវ៉ាលីធំៗតែម្នាក់ឯងមិនមានអ្នកចាត់ការ

កម្សាន្ត
June 26th, 2022 (2 years)
Views: 177
Share

ហុងកុង៖ ដើម្បីរកប្រាក់ចំណូលបន្ថែមពីការសម្តែងភាពយន្តនៅហុងកុង តារាជើងចាស់ប្រចាំ TVB លោក Wayne Lai បានចំណាយពេលវេលារស់នៅប្រទេសចិនដោយសារឱកាសការងារនៅទីនោះមានអំណោយផលជាងនៅហុងកុង។ ទោះជាយ៉ាងណា តារាសម្តែងរូបនេះនៅតែជាតារាប្រចាំTVB ដដែលដោយលោកបានឡើងចុះហុងកុង-ចិន រាល់ពេលដែលមានការងារដែលត្រូវបំពេញ។

ជាក់ស្តែងដោយសារត្រូវថតភាពយន្ត Go With The Float ទើប Wayne Lai បានឡើងពីប្រទេសចិន មកហុងកុងដើម្បីថតរឿងមួយនេះ ហើយនៅពេលដែលថតចប់សព្វគ្រប់ហើយនោះ លោកក៏បានត្រលប់ទៅប្រទេសចិនវិញជាមួយនឹងវ៉ាលីធំៗចំនួន ៤ និងឈររង់ចាំឆ្លងកាត់កន្លែងគយរយៈពេល ៣ម៉ោងតែម្នាក់ មិនមានអ្នកចាត់ការចាំយួរឥវ៉ាន់ដូចតារាដទៃឡើយ។

គ្រាន់តែបានឃើញទិដ្ឋភាពបែបនេះរបស់ Wayne Lai ហើយ គ្រប់គ្នាបានកោតសរសើរតារាប្រុសរូបនេះជាខ្លាំង។ លោកបានបញ្ជាក់ថា ដំណើរទៅកាន់ប្រទេសចិនមិនមែនជារឿងងាយស្រួលឡើយ ព្រោះទម្រាំបានឆ្លងកាត់ពីមួយដំណាក់កាលទៅមួយដំណាក់កាលពិតជាពិបាក និងត្រូវរង់ចាំយូរ៕

អត្ថបទទាក់ទង