ផ្លឹស-ខេអេក ញូវ

Petr Cech ចាកចេញពី Chelsea ក្រោយពិភាក្សាជាមួយម្ចាស់ក្លិបថ្មី

កីឡា
June 27th, 2022 (2 years)
Views: 123
Share

ទីប្រឹក្សាបច្ចេកទេសរបស់ Chelsea លោក Petr Cech បានក្លាយជាបុគ្គលិកចុងក្រោយគេដែលបានចាកចេញពីក្លិប បន្ទាប់ពីការចូលកាន់កាប់របស់ម្ចាស់ក្លិបថ្មី លោក Todd Boehly ។

Cech អតីតកីឡាករជម្រើសជាតិសាធារណរដ្ឋឆេក បានចំណាយពេលជាច្រើនឆ្នាំ ជាមួយក្លិបទីក្រុងឡុងដ៍ក្នុងនាមជាកីឡាករ។ គាត់បានត្រលប់ទៅទីក្រុងឡុងដ៍ភាគខាងលិចវិញ បន្ទាប់ពីចូលនិវត្តន៍ជាកីឡាករ ដោយធ្វើការឱ្យ Chelsea អំឡុងពេលដែលលោក Roman Abramovich កាន់តំណែង។

យោងតាមសារព័ត៌មាន The Telegraph ការចាកចេញរបស់ Cech បានកើតឡើង ទោះបីជាមានការខិតខំប្រឹងប្រែងពីលោក Boehly ដើម្បីរក្សាគាត់នៅក្នុងតួនាទីក្រុមប្រឹក្សាក៏ដោយ។ Cech បានចូលរួមនៅក្នុងការផ្លាស់ប្តូរមួយចំនួនចាប់តាំងពីការត្រលប់មកក្លិប។ ជោគជ័យធំបំផុត គឺការនាំអ្នកចាំទី Edouard Mendy ចូលរួមជាមួយក្រុមតោខៀវពីអតីតក្លិប Rennes របស់ Cech ដោយកីឡាករអន្តរជាតិសេណេហ្គាល់ បានដើរតួយ៉ាងសំខាន់ក្នុងការឈ្នះពានរង្វាន់ Champions League នៅរដូវកាល 2020-21 ។

ប្រធានក្លិបលោក Bruce Buck ក៏បានលាឈប់ដែរ ខណៈលោកស្រី Marina Granovskaia ជំនាញការផ្ទេរកីឡាករក្នុងរយៈពេលប៉ុន្មានឆ្នាំចុងក្រោយនេះ ក៏កំពុងចាកចេញដែរ៕

អត្ថបទទាក់ទង

Petr Cech ចាកចេញពី Chelsea ក្រោយ​ពិភាក្សា​ជាមួយ​ម្ចាស់ក្លិបថ្មី

Petr Cech ចាកចេញពី Chelsea ក្រោយពិភាក្សាជាមួយម្ចាស់ក្លិបថ្មី