ផ្លឹស-ខេអេក ញូវ

សិង្ហបុរី រាយការណ៍ពីករណីឆ្លងជំងឺអុតស្វាក្នុងសហគមន៍លើកដំបូង

សង្គម
July 8th, 2022 (2 years)
Views: 276
Share

សិង្ហបុរី៖ ក្រសួងសុខាភិបាលសិង្ហបុរី បាននិយាយកាលពីថ្ងៃពុធ ថា ប្រទេសនេះ បានថារកឃើញករណីដំបូងនៃជំងឺអុតស្វា ដែលឆ្លងក្នុងសហគមន៍។

ករណីនេះ បានកើតលើជនជាតិម៉ាឡេស៊ី ភេទប្រុស អាយុ ៤៥ឆ្នាំ ស្នាក់នៅប្រទេសសិង្ហបុរី ។ គាត់បានធ្វើតេស្តវិជ្ជមានកាលពីថ្ងៃពុធ។ សេចក្តីថ្លែងការណ៍បានបន្ថែមថា អ្នកមានទំនាក់ទំនងជិតស្និទ្ធចំនួន ៣នាក់ ត្រូវបានកំណត់អត្តសញ្ញាណគិតត្រឹមថ្ងៃពុធ ហើយពួកគេ នឹងត្រូវដាក់ឱ្យនៅដាច់ដោយឡែករយៈពេល ២១ ថ្ងៃ ចាប់តាំងពីទំនាក់ទំនងចុងក្រោយជាមួយគាត់។

គាត់មានរោគសញ្ញា ដូចជា ដំបៅស្បែកពោះផ្នែកខាងក្រោម អស់កម្លាំង ហើមកូនកណ្តុរ ក្តៅខ្លួន និង ឈឺបំពង់ក។

ក្រសួងបាននិយាយថាស្ថានភាពរបស់គាត់មានស្ថិរភាព ហើយបច្ចុប្បន្នគាត់កំពុងស្ថិតនៅមជ្ឈមណ្ឌលជាតិសម្រាប់ជំងឺឆ្លង (NCID) ក្នុងប្រទេសសិង្ហបុរី ដោយបន្ថែមថា ហានិភ័យនៃការឆ្លងដល់មនុស្សទូទៅ នៅតែមានកម្រិតទាប។ កាលពីខែមុន សិង្ហបុរី រកឃើញករណីនាំចូលជំងឺអុតស្វាលើកដំបូងផងដែរ។

អង្គការសុខភាពពិភពលោកបាននិយាយថា ករណីជំងឺអុតស្វា ត្រូវបានរកឃើញជាង ៦០០០ករណី ក្នុង ៥៨ប្រទេស៕

អត្ថបទទាក់ទង

សិង្ហបុរី រាយការណ៍​ពី​ករណីឆ្លង​ជំងឺ​អុតស្វា​ក្នុង​សហគមន៍​លើកដំបូង

សិង្ហបុរី រាយការណ៍ពីករណីឆ្លងជំងឺអុតស្វាក្នុងសហគមន៍លើកដំបូង