ព័ត៌មានថ្មី
- លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរ បានដឹកនាំក្រុមការងារសមាគម និងសិល្បករ សិល្បការិនី ចូលគោរពព្រះវិញ្ញាណក្ខន្ធព្រះបរមរតនកោដ្ឋ
- មិត្តភាពរវាងលីនដានិងរស្មី កំពុងប្រសើរឡើងតែបេក្ខនារីម្នាក់ក្នុងចំណោមអ្នកទាំងពីរក៏ត្រូវចាកចេញពីកម្មវិធី
- រស្មី បង្ហាញពីការចំណាយដ៏ឈ្លាសវៃក្នុងវិញ្ញាសាថ្មីរបស់ MasterChef ដែលអាចយកជ័យជម្នះបាន
- បេក្ខភាព៣រូបឈ្នះក្នុងការប្រកួតទស្សន៍ទាយគ្រឿងផ្សំជាលើកដំបូងនៅក្នុងផ្ទះបាយ MasterChef Cambodia
- លីនណា មានការលូតលាស់យ៉ាងលឿន ជាបេក្ខនារីដែលឈ្នះប្រអប់អាថ៌កំបាំង ២លើកជាប់ៗគ្នា
Chelsea គ្រោងឆក់យក Frenkie de Jong ខណៈ Man Utd មានភាពមិនច្បាស់លាស់
- កីឡា
- July 8th, 2022 (2 years)
Thomas Tuchel មានទំនុកចិត្តថា Frenkie de Jong អាចត្រូវបានបញ្ចុះបញ្ចូលឱ្យបដិសេធ Manchester United នៅក្នុងទីផ្សារដោះដូរកីឡាករនេះ ហើយរូបគេនឹងអាចចូលរួមជាមួយ Chelsea ។
Man Utd នៅតែស្ថិតក្នុងការចរចាជាមួយ Barcelona ដើម្បីចុះហត្ថលេខាជាមួយ De Jong ហើយអ្នកចាត់ការ Erik ten Hag បានដាក់គោលដៅចម្បងលើខ្សែបម្រើហុល្លង់ នៅមុនរដូវកាលថ្មី។
ខណៈពេលតម្លៃ 56.2 លានផោន ត្រូវបានយល់ព្រម វានៅមានបញ្ហាផ្សេងទៀតដែលត្រូវដោះស្រាយ ខណៈក្លិបទាំងពីរ ព្យាយាមដោះស្រាយបញ្ហានៃប្រាក់បៀវត្សរ៍ ដែល Barcelona បានជំពាក់កីឡាករហុល្លង់ 17 លានផោន។
ប្រធានក្លិប Barcelona លោក Joan Laporta បាននិយាយជាសាធារណៈថា De Jong មិនមែនសម្រាប់លក់នោះទេ របាយការណ៍នៅក្នុងប្រទេសអេស្ប៉ាញអះអាងថា Chelsea ឥឡូវនេះបានចូលប្រជែងយកកីឡាករអន្តរជាតិហុល្លង់ផងដែរ។
Barcelona ចាប់អារម្មណ៍ក្នុងការចុះហត្ថលេខាលើតារា Chelsea ពីររូបគឺ Cesar Azpilicueta និង Marcos Alonso ។ ក្រុមតោខៀវ ត្រូវបានរាយការណ៍ថា នឹងផ្តល់ជូនកីឡាករទាំងពីរបូកបន្ថែម 51 លានផោន សម្រាប់ប្ដូរយក De Jong ។
Alonso នៅសល់រយៈពេលមួយឆ្នាំទៀតលើកិច្ចសន្យាបច្ចុប្បន្នរបស់គាត់នៅ Chelsea ហើយបានបង្ហើបថា គាត់នឹងបើកចំហសម្រាប់ការវិលត្រឡប់ទៅកាន់ប្រទេសអេស្ប៉ាញវិញនៅរដូវក្តៅនេះ។ ចំណែក ប្រធានក្រុមតោខៀវ Azpilicueta បាននៅលើរ៉ាដារបស់ Barcelona ស្ទើរតែពេញមួយឆ្នាំ។
Chelsea ក៏កំពុងព្យាយាមចុះហត្ថលេខាលើតារាហុល្លង់ម្នាក់ទៀត ពោលគឺខ្សែការពារ Matthijs de Ligt ដែលបានលេងជាមួយ De Jong ក្រោមការគ្រប់គ្រងរបស់លោក Ten Hag នៅ Ajax មុនពេលចូលរួមជាមួយ Juventus កាលពីឆ្នាំ 2019 ៕
អត្ថបទទាក់ទង
- October 14th, 2024
លីនណា មានការលូតលាស់យ៉ាងលឿន ជាបេក្ខនារីដែលឈ្នះប្រអប់អាថ៌កំបាំង ២លើកជាប់ៗគ្នា
- October 14th, 2024
តើលោកអ្នកអាចជ្រើសរើសមុខងារណាដើម្បីវិនិយោគលើថ្នាលជួញដូរទ្រព្យឌីជីថលរបស់ RGX?
- October 11th, 2024
ពេជ្រ សូលីកា សម្រុកទទួលការងារស្ទើរគ្មានពេលសម្រាកមុនពេលសម្រាកជាង ២ខែ
- October 10th, 2024
លីនណា ទម្លាយពីចំណុចល្អនៃការប្រកួតអៀមខ្មៅនៅក្នុងផ្ទះបាយ MasterChef Cambodia
កម្មវិធីប្រកួតធ្វើម្ហូបលំដាប់ពិភពលោក
