ផ្លឹស-ខេអេក ញូវ

បង្ហាញប្រវត្តិកាលខ្លះៗ អំពីការបាញ់បោះលើឥស្សរជននយោបាយជប៉ុនគិតត្រឹមឆ្នំាទសវត្សរ៍ទី៩០ រហូតមក

សង្គម
July 8th, 2022 (3 years)
Views: 161
Share

ជប៉ុន៖ សម្រាប់ប្រទេសជប៉ុនការបាញ់ប្រហារជារឿងកម្រណាស់ ដោយសារតែប្រទេសនេះមានការហាមប្រាមយ៉ាងតឹងតែងលើការកាន់កាប់អាវុធ។ ខ្លឹមសារខាងក្រោមនេះនិយាយអំពីប្រវត្តិកាលនៃការបាញ់ប្រហារមកលើអ្នកនយោបាយនៅក្នុងប្រទេសជប៉ុនមានដូចខាងក្រោម៖

-ឆ្នាំ ១៩៩០៖ អភិបាលក្រុងណាហ្កាសាគិ (Nagasaki) លោក ម៉ូតូស៊ីម៉ា ហ៊ីតូស៊ិ (Motoshima Hitoshi) ទទួលរងរបួសយ៉ាងធ្ងន់ធ្ងរ បន្ទាប់ពីមានការបាញ់ប្រហារដោយពួកស្តាំនិយម។
-ឆ្នាំ ១៩៩២៖ អនុប្រធានគណបក្សប្រជាធិបតេយ្យសេរី លោក ខានីម៉ារឹ ស៊ីន (Kanemaru Shin) ទទួលរងការបាញ់ប្រហារដោយខ្មាន់កាំភ្លើងស្តាំនិយម ខណៈលោករៀបចំបញ្ចប់សុន្ទរកថានៅក្នុងខេត្តតូជីហ្គី (Tochigi) ភាគខាងជើងទីក្រុងតូក្យូ ប្រទេសជប៉ុន។ គួរបញ្ជាក់ផងដែរថា លោក ខានីម៉ារឹ (Kanemaru) មិនមានរបួសធ្ងន់ធ្ងរទេខណៈនោះ។
-ឆ្នាំ ១៩៩៤៖ អតីតនាយករដ្ឋមន្ត្រី ហូសូកាវ៉ា ម៉ូរីហ៊ីរ៉ូ (Hosokawa Morihiro) ត្រូវខ្មាន់កាំភ្លើងជាអតីតសមាជិកនៃក្រុមស្តាំនិយម លបលួច បាញ់សម្លាប់នៅសណ្ឋាគារតូក្យូ។ ក្នុងហេតុការណ៍នោះ លោក ហូសូកាវ៉ា (Hosokawa) មិនមានគ្រោះថ្នាក់ដល់អាយុជីវិតទេ។
-ឆ្នាំ ១៩៩៥៖ ឧត្តមសេនីយ៍ គឺនីម៉ាត់ស្ហ៊ឹ តាកាជិ (Kunimatsu Takaji) អគ្គស្នងការនគរបាលជាតិ ទទួលរងរបួសយ៉ាងធ្ងន់ធ្ងរ បន្ទាប់ពីមានហេតុការណ៍បាញ់ប្រហារ នៅមុខគេហដ្ឋានរបស់លោក ក្នុងទីក្រុងតូក្យូ ប្រទេសជប៉ុន ឆ្នាំ ១៩៩៥។
-ឆ្នាំ ២០០៧៖ អភិបាលក្រុងណាហ្កាសាគិ (Nagasaki) ម្នាក់ទៀត លោក អ៊ីតូ អ៊ីចូ (Ito Itcho) បានស្លាប់បាត់បង់ជីវិត ក្រោយកើតមានហេតុការណ៍បាញ់សម្លាប់ ដែលរៀបចំឡើងដោយ ក្រុមឧក្រិដ្ឋជន៕

ប្រែសម្រួល៖ ឡេង លាងហេង

ប្រភព៖ NHK World

អត្ថបទទាក់ទង

បង្ហាញ​ប្រវត្តិកាល​ខ្លះៗ អំពី​ការបាញ់បោះ​លើ​ឥស្សរជន​នយោបាយ​ជប៉ុន​គិតត្រឹមឆ្នំា​ទសវត្សរ៍ទី៩០ រហូត​មក

បង្ហាញប្រវត្តិកាលខ្លះៗ អំពីការបាញ់បោះលើឥស្សរជននយោបាយជប៉ុនគិតត្រឹមឆ្នំាទសវត្សរ៍ទី៩០ រហូតមក