ព័ត៌មានថ្មី
- លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរ បានដឹកនាំក្រុមការងារសមាគម និងសិល្បករ សិល្បការិនី ចូលគោរពព្រះវិញ្ញាណក្ខន្ធព្រះបរមរតនកោដ្ឋ
- មិត្តភាពរវាងលីនដានិងរស្មី កំពុងប្រសើរឡើងតែបេក្ខនារីម្នាក់ក្នុងចំណោមអ្នកទាំងពីរក៏ត្រូវចាកចេញពីកម្មវិធី
- រស្មី បង្ហាញពីការចំណាយដ៏ឈ្លាសវៃក្នុងវិញ្ញាសាថ្មីរបស់ MasterChef ដែលអាចយកជ័យជម្នះបាន
- បេក្ខភាព៣រូបឈ្នះក្នុងការប្រកួតទស្សន៍ទាយគ្រឿងផ្សំជាលើកដំបូងនៅក្នុងផ្ទះបាយ MasterChef Cambodia
- លីនណា មានការលូតលាស់យ៉ាងលឿន ជាបេក្ខនារីដែលឈ្នះប្រអប់អាថ៌កំបាំង ២លើកជាប់ៗគ្នា
អ្នកចាត់ការ Liverpool កត់សម្គាល់ទម្រង់ថ្មីរបស់ Man Utd ក្នុងប្រកួតមិត្តភាពយប់មិញ
- កីឡា
- July 13th, 2022 (2 years)
លោក Jurgen Klopp បានកត់សម្គាល់ពីរបៀបនៃការលេងដេញបិទប្រកបដោយគ្រោះថ្នាក់របស់ Manchester United ទៅលើកីឡាករ Liverpool បានបង្កបញ្ហាដល់ក្រុមហង្សក្រហម អំឡុងពេលប្រកួតមិត្តភាពនៅទីក្រុងបាងកក។
ក្រុមបិសាចក្រហម បានយកឈ្នះលើក្រុមហង្សក្រហម ក្នុងលទ្ធផល 4-0 ក្រោមការដឹកនាំដំបូងរបស់អ្នកចាត់ការថ្មីលោក Erik ten Hag មុនបើករដូវកាលថ្មី។ Jadon Sancho, Fred និង Anthony Martial បានជួយឱ្យ Man Utd នាំមុខ 3-0 នៅវគ្គទីមួយ មុនពេល Facundo Pellistri ស៊ុតបញ្ចូលទីគ្រាប់ទី 4 និងជាគ្រាប់ចុងក្រោយ នៅវគ្គទីពីរ។
ក្រុមបិសាចក្រហម បានហ្វឹកហាត់ច្រើនជាងក្រុមហង្សក្រហមមុនការប្រកួត នេះ។ Manchester United បានធ្វើការផ្លាស់ប្តូរកីឡាករចំនួន 10 នាក់នៅពាក់កណ្តាលតង់ ខណៈដែល Liverpool បានផ្លាស់ប្ដូរកីឡាករជាក្រុម 3 លើកក្នុងការប្រកួតនេះ។
ក្រោយចប់ការប្រកួតលោក Klopp បាននិយាយថា៖ “ខ្ញុំបានឃើញពីការលេងដ៏ល្អជាច្រើនក្នុងពេលមួយ ប៉ុន្តែមិនមានស្ថិរភាព ពេលខ្លះយើងស្ថិតក្នុងភាពប្រញាប់ប្រញាល់ វិធីដែល United បិទកីឡាករម្នាក់ៗ ជាពិសេសនៅតំបន់កណ្តាល ពួកយើងបានខូចបាល់ ហើយពួកគេបានបញ្ចប់ទីដោយការវាយបក។”
“វិធីដែល United កំពុងលេងនេះ អ្នកត្រូវការភាពបត់បែនបន្ថែមទៀត នៅពេលដែល Harvey [Elliott] ចូលមកតំបន់កណ្តាល ពួកយើងកាន់តែបង្កគ្រោះថ្នាក់។”
លោក Klopp មានអារម្មណ៍ថា ការប្រកួតនេះបានមកដល់លឿនពេកហើយ នៅក្នុងមុនការបើករដូវកាល។ គាត់បាននិយាយថា៖ “លទ្ធផលនេះគឺយុត្តិធម៌ យើងត្រូវទទួលយកវា ប៉ុន្តែវាច្បាស់ណាស់ថាយើងគួរតែអាចស៊ុតបញ្ចូលទីបានផងដែរ នោះវានឹងក្លាយជាការប្រកួតដ៏អស្ចារ្យជាងនេះ។”
“គ្រាប់បាល់ដែលយើងខូច ពួកយើងបានផ្ដល់ឱ្យពួកគេនូវឱកាស ពួកគេបានបង្កបញ្ហាដល់ពួកយើង ប៉ុន្តែខ្ញុំបានឃើញរឿងល្អៗជាច្រើនពីក្រុមរបស់ខ្ញុំ៕”
អត្ថបទទាក់ទង
- October 14th, 2024
លីនណា មានការលូតលាស់យ៉ាងលឿន ជាបេក្ខនារីដែលឈ្នះប្រអប់អាថ៌កំបាំង ២លើកជាប់ៗគ្នា
- October 14th, 2024
តើលោកអ្នកអាចជ្រើសរើសមុខងារណាដើម្បីវិនិយោគលើថ្នាលជួញដូរទ្រព្យឌីជីថលរបស់ RGX?
- October 11th, 2024
ពេជ្រ សូលីកា សម្រុកទទួលការងារស្ទើរគ្មានពេលសម្រាកមុនពេលសម្រាកជាង ២ខែ
- October 10th, 2024
លីនណា ទម្លាយពីចំណុចល្អនៃការប្រកួតអៀមខ្មៅនៅក្នុងផ្ទះបាយ MasterChef Cambodia
កម្មវិធីប្រកួតធ្វើម្ហូបលំដាប់ពិភពលោក
