ផ្លឹស-ខេអេក ញូវ

លោកតា វ័យ ៩៨ ឆ្នាំ បញ្ចប់ការសិក្សាម្តងទៀត លើឯកទេសប្រវត្តិសាស្រ្ត និងទស្សនវិជ្ជាហើយក៏បានក្លាយជានិស្សិតបញ្ចប់ការសិក្សាចាស់ជាងគេក្នុងប្រទេសអ៊ីតាលី

សង្គម
July 20th, 2022 (3 years)
Views: 180
Share

អ៊ីតាលី៖ លោកតា យូហ្សេបពី ប៉ាទីណូ (Giuseppe Paterno) អាយុ ៩៨ ឆ្នាំ បានបញ្ចប់ការសិក្សាម្តងទៀត និងក្លាយជានិស្សិតដែលបញ្ចប់ការសិក្សានៅវ័យចំណាស់ជាងគេក្នុងប្រទេសអ៊ីតាលី។
លោកតា ប៉ាទីណូ (Paterno) បានបញ្ចប់ការសិក្សាអនុបណ្ឌិតផ្នែកប្រវត្តិសាស្រ្ត និងទស្សនវិជ្ជា ម្តងហើយ ដោយទទួលបាននិទ្ទេសដ៏ខ្ពស់មួយ ពីសាកលវិទ្យាល័យ Palermo នៅអាយុ ៩៦ ឆ្នាំ (កាលពីចន្ទ ទី១៨ ខែកក្កដា ឆ្នាំ២០២០)។

លោកតាប៉ាទីណូ (Paterno) កើតនៅឆ្នាំ ១៩២៣ ក្នុងគ្រួសារក្រីក្រមួយ ស្ថិតនៅទីក្រុងស៊ីស៊ីលី (Sicily) ប្រទេសអ៊ីតាលី។ បើទោះបីជាគាត់ស្រលាញ់សៀវភៅ និងការសិក្សាក៏ដោយ ក៏គាត់មានសមត្ថភាពចូលរៀននៅសកលវិទ្យាល័យបានដែរ កាលពីគាត់នៅមានវ័យក្មេង។ អំឡុងសង្គ្រាមលោកលើកទី២ លោកតា បានបម្រើការងារក្នុងជួរកងទ័ពជើងទឹក ចាប់ពីអាយុ២០ឆ្នាំ នឹងបានបន្តធ្វើជាកម្មករអាយស្ម័យាន(ផ្លូវដែក)។

លោកតាបានបញ្ចប់វិទ្យាល័យនៅអាយុ ៣១ឆ្នាំ ខណៈវ័យកាន់តែចាស់របស់គាត់ ក៏មិនអាចបញ្ឈប់គាត់ឱ្យបោះបង់បំណងបន្តការសិក្សាបានឡើយ ដោយលោកបានចុះឈ្មោះចូលរៀននៅសាកលវិទ្យាល័យ Palermo ផ្នែកប្រវត្តិសាស្រ្ត និងទស្សនវិជ្ជា អំឡុងនៃអាយុរបស់គាត់ឈានចូលដល់វ័យ៩០ឆ្នំាទៅហើយ។

បច្ចុប្បន្ន លោកតា មានចៅបីនាក់ក្នុងចំណោមចៅទាំងបួននាក់ ដែលទទួលសញ្ញាបត្រពីសាកលវិទ្យាល័យ Palermo ដូចគ្នាដែរ។
គួររំលឹកផងដែរថា អាយុរបស់លោកតាបានឈានចូលដល់វ័យ ៩៩ឆ្នាំហើយកាលពីខែកញ្ញា ឆ្នាំ ២០២២នេះ៕

ប្រែសម្រួល៖ ឡេង លាងហេង
ប្រភព៖ Reuters Connect

អត្ថបទទាក់ទង