ផ្លឹស-ខេអេក ញូវ

សម្រស់កាន់តែចែងចាំង ទីបំផុត Jisoo ជាប់ឈ្មោះជារាជិនីសម្រស់លំដាប់ពិភពលោកប្រចាំឆ្នាំ២០២២

កម្សាន្ត
July 25th, 2022 (2 years)
Views: 201
Share

កូរ៉េខាងត្បូង៖ Jisoo ដែលជាសមាជិកក្រុម BLACKPINK ធ្លាប់តែត្រូវបានមហាជនមួយចំនួននាំគ្នារិះគន់ថា នាងជាសមាជិកដែលមិនត្រូវបានទទួលការចាប់អារម្មណ៍ទាំងរូបសម្រស់ ក៏ដូចជាសមត្ថភាព។ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ Jisoo ហាក់បានអភិវឌ្ឍសមត្ថភាព ជាពិសេសរូបសម្រស់របស់ខ្លួនឯងជាខ្លាំងរហូតចំនួនអ្នកគាំទ្រកាន់តែកើនឡើងជាលំដាប់។

ជាក់ស្តែង ក្នុងឆ្នាំ២០២២នេះដែរ Jisoo កំពុងធ្វើឱ្យគ្រប់គ្នាភ្ញាក់ផ្អើលជាខ្លាំង បន្ទាប់ពីឈ្មោះរបស់នាងត្រូវបានជាប់ជាស្រីស្អាតលំដាប់ពិភពលោក២០២២ បន្ទាប់ពីលទ្ធផលនៃការស្ទាបស្ទង់មតិបានចេញផ្សាយដោយទស្សនាវដ្តី British entertainment media outlet Nubia កាលពីពេលថ្មីៗនេះ។

រយៈពេល ៥ខែគិតចាប់ពីខែមីនា រហូតដល់ថ្ងៃទី០១ ខែកក្កដា សរុបចំនួន ១១៦ប្រទេសដែលបានចូលរួមធ្វើការស្ទង់មតិ Jisoo ទទួលបានសម្លេងឆ្នោតចំនួន ៤៨០,៣៥៦ (៤៤.៧៨%) ពីប្រទេសចំនួន ៩៨ ខណៈដែល Lisa សមាជិកក្រុមដែលក្មេងជាងគេ ជាប់ចំណាត់ថ្នាក់នៅលេខរៀងលេខ ៣ជាស្រីស្អាតប្រចាំឆ្នាំ២០២២។

គួរបញ្ជាក់ដែរថា បន្ទាប់ពីចាប់ផ្តើមប្រលូកក្នុងសិល្បៈក្នុងឆ្នាំ២០១៦ មកទល់ពេលនេះ Jisoo នៅមិនទាន់បានចេញបទចម្រៀងទោលរបស់ខ្លួននៅឡើយ ខណៈពេលដែលសមាជិកក្រុម ៣រូបទៀតបានចេញបទចម្រៀងទោលរបស់ខ្លួនជាផ្លូវការ ដែលចំនុចមួយនេះកំពុងធ្វើឱ្យអ្នកគាំទ្ររបស់តារាស្រីរូបនេះរង់ចាំយ៉ាងអន្ទះសារ និងទទូចឱ្យផលិតកម្ម YG ប្រញាប់ចេញបទចម្រៀងទោលឱ្យ Jisoo ឆាប់ៗផងដែរ៕

អត្ថបទទាក់ទង

សម្រស់​កាន់តែ​ចែងចាំង ទីបំផុត Jisoo ជាប់ឈ្មោះ​ជា​រាជិនី​សម្រស់​លំដាប់​ពិភពលោក​ប្រចាំ​ឆ្នាំ២០២២

សម្រស់កាន់តែចែងចាំង ទីបំផុត Jisoo ជាប់ឈ្មោះជារាជិនីសម្រស់លំដាប់ពិភពលោកប្រចាំឆ្នាំ២០២២