ផ្លឹស-ខេអេក ញូវ

អតីតកីឡាករថា ក្រុមហ្គាណានឹងក្លាយជាម្ចាស់ពានរង្វាន់ FIFA World Cup 2022 នៅកាតា

កីឡា
August 10th, 2022 (2 years)
Views: 184
Share

លោក Reverend Kofi Pare អតីតកីឡាករជម្រើសជាតិហ្គាណា មានសុទិដ្ឋិនិយមចំពោះក្រុមហ្គាណា ក្នុងការឈ្នះពានរង្វាន់ FIFA World Cup 2022 នៅប្រទេសកាតា នៅចុងឆ្នាំនេះ។

ក្រុមហ្គាណា បានកក់កៅអី World Cup បន្ទាប់ពីយកឈ្នះគូប្រជែង នីហ្សេរីយ៉ាក្នុងវគ្គ Play-off កាលពីខែមីនា។ ទោះនៅសល់រយៈពេលជាងពីរខែទៀតទម្រាំដល់ World Cup អតីតកីឡាករហ្គាណាដែលធ្លាប់បង្ហាញខ្លួននៅកីឡាអូឡាំពិកឆ្នាំ 1964 ជឿជាក់ថា ហ្គាណានឹងទទួលក្លាយជាជើងឯកបាល់ទាត់ពិភពលោក។

លោក Kofi Pare ដែលបានលេងឱ្យក្រុមហ្គាណា ក្នុងទសវត្សរ៍ឆ្នាំ 1960 និង 1970 បានប្រាប់សារព័ត៌មានក្នុងស្រុកមួយ ថា៖ “បច្ចុប្បន្ន ខ្ញុំហ៊ាននិយាយថា ពួកគេមិនទាន់ដល់កម្រិតនៅឡើយទេ ប៉ុន្តែនៅពេលពួកគេជឿជាក់លើខ្លួនឯង ប្រហែលជាពួកគេនឹងឈ្នះវា”។

បុរសវ័យ 83 ឆ្នាំរូបនេះ បានបន្ថែមថា៖ “នៅក្នុងជំនឿលើវិញ្ញាណ ពួកយើងអាចឈ្នះពានរង្វាន់នេះ។ ខ្ញុំចង់សម្ដៅលើ World Cup ឆ្នាំ 2022 ។ យើងនឹងឈ្នះវា វាមិនដូចអ្វីដែលខ្ញុំធ្លាប់ឃើញពីមុននោះទេ” ។

ស្របពេលជាមួយគ្នានេះ ហ្គាណា ត្រូវបានចាប់ឆ្នោតនៅក្នុងពូលជាមួយក្រុម ព័រទុយហ្គាល់ កូរ៉េខាងត្បូង និង អ៊ុយរុយហ្គាយ។ ពួកគេ នឹងវិលទៅរកការប្រកួតបាល់ទាត់ពិភពលោកវិញ បន្ទាប់ពីបាត់ខ្លួនក្នុងការប្រកួត World Cup កាលពី 4 ឆ្នាំមុន។ វាក៏ជាការបង្ហាញខ្លួនលើកទី 4 របស់ហ្គាណានៅ World Cup បុរសផងដែរ៕

អត្ថបទទាក់ទង

អតីតកីឡាករ​ថា ក្រុមហ្គាណា​នឹង​ក្លាយជា​ម្ចាស់​ពានរង្វាន់ FIFA World Cup 2022 នៅកាតា

អតីតកីឡាករថា ក្រុមហ្គាណានឹងក្លាយជាម្ចាស់ពានរង្វាន់ FIFA World Cup 2022 នៅកាតា