ផ្លឹស-ខេអេក ញូវ

ពពោះ ៣ ខែដំបូង បើតមផ្តេសផ្តាស ប្រយ័ត្នប៉ះពាល់កូនក្នុងផ្ទៃ

សម្រស់ជីវិត
August 23rd, 2022 (4 years)
Views: 203
Share

អំឡុងពេលពពោះនៅត្រីមាសទី ១ អាចជាពេលវេលាពិបាកបំផុតសម្រាប់ស្រីៗ ព្រោះជាអំឡុងពេលចាញ់គភ៌ខ្លាំងបំផុតកើតលើគ្នាយើងភាគច្រើន ខ្លះធ្វើឱ្យបាយមិននឹក ទឹកមិនស្រេក ហើយបើកភ្នែកភ្លាមរកតែក្អួត ស្របពេលមួយចំនួនតូច បែរជាញ៉ាំបាននោះបាន ឡើងគីឡូស្រឺតៗម៉ង ហើយខ្លះទៀត ញ៉ាំបាន បែរជាខំតមខ្លាចនេះខ្លាចនោះ។ “Hello គ្រូពេទ្យ” ពេលនេះ នឹងបញ្ជាក់លម្អិតពាក់ព័ន្ធរបបអាហារ និងការតមអាហារអំឡុងពេលពពោះ ៣ ខែដំបូង។

យោងតាមការសិក្សាមួយចំនួនរបស់សាកលវិទ្យាល័យ កូឡុំបៀ រកឃើញថា ស្រីៗមានផ្ទៃពោះដែលតមអាហារ ពេលកូនកើតមកមានរូបរាងតូចល្អិត ឬកើតមកមានទម្ងន់តិចជាងធម្មតា។ អូនៗតូចល្អិតនឹងប្រឈមផលវិបាក នៅពេលធំឡើង ពិសេសការរៀនសូត្រតែម្តង។ ហេតុនេះ តមអាហារអំឡុងពេលត្រីមាសដំបូង មិនត្រូវបានគ្រូពេទ្យណែនាំឱ្យធ្វើនោះឡើយ។

១- តម្រូវការអាហារូបត្ថម្ភអំឡុងពេលពពោះដំបូង
អ្នកស្រាវជ្រាវមកពីសាកលវិទ្យាល័យ កូឡុំបៀ រកឃើញថា នៅពេលស្រីៗមានផ្ទៃពោះ តមអាហារ ជាធម្មតាកូនកើតមកមិនគ្រប់គីឡូ។ ម៉ាក់ៗតមអាហារកាន់តែយូរ ធ្វើឱ្យទម្ងន់អូនៗកាន់តែតិច អាចបង្កគ្រោះថ្នាក់ដល់សុខភាពអូនៗទៀតផង។
នៅត្រីមាសទី១ ពោលចាប់ពីសប្តាហ៍ ១-១២ ស្រីៗមានគភ៌ នឹងមានរោគសញ្ញាមិនស្រួលខ្លួនមួយចំនួន ពិសេសអាការចាញ់កូនដូចជា ចង្អោរ ក្អួត ខ្សោយ វិលមុខ ដោយសារតែបម្រែបម្រួលអ័រម៉ូន តម្រូវឱ្យយើងត្រូវសម្របខ្លួនឱ្យបាន។ អាការក្អួត ឬចង្អោរខ្លាំង នៅត្រីមាសដំបូង អាចនាំម៉ាក់ៗខ្សោះជាតិទឹក ហេតុនេះការទទួលបានសារធាតុចិញ្ចឹមគ្រប់គ្រាន់ គឺចាំបាច់បំផុតសម្រាប់ការលូតលាស់របស់គភ៌ក្នុងផ្ទៃ និងការចាប់ផ្តើមប្រែប្រួលលើរូបរាងម៉ាក់ៗផ្ទាល់។ តមអាហារ អាចនាំឱ្យមានខ្សោះជាតិទឹក និងកង្វះជីវជាតិក្នុងរាងកាយ។

២ – ពិគ្រោះជាមួយពេទ្យមុនសម្រេចចិត្តតមអាហារ
តម្រូវការអាហារូបត្ថម្ភសម្រាប់ស្រីៗមានផ្ទៃពោះ គឺខុសៗគ្នា ហើយមុនតមអាហារ យើងត្រូវពិនិត្យជាមួយគ្រូពេទ្យពីស្ថានភាពសុខភាពទាំងម៉ាក់ និងគភ៌ក្នុងផ្ទៃជាមុន ថាតើខ្លួនយើងអាចតមបានអត់? ព្រោះការតមអាហារ គឺអាស្រ័យទៅតាមស្ថានភាពសុខភាពយើង និងកូនផ្ទាល់។
ពេលពេទ្យអនុញ្ញាតឱ្យយើងតមអាហារ យើងត្រូវយកចិត្តទុកដាក់លើអាហារូបត្ថម្ភយើងញ៉ាំ និងអាហារណាជួយយើងមានសុខភាពល្អ។ ឯកសារខ្លះ លើកឡើងថា វិធីតមអាហារមានសុវត្ថិភាពបំផុត គឺនៅពេលភគ៌មានអាយុ ៤-៧ ខែ បើគភ៌អាយុតិចជាង ៤ ខែនឹងមានហានិភ័យរលូតកូន។
នៅពេលគភ៌អាយុច្រើនជាង ៧ ខែ ម៉ាក់តែងមានអារម្មណ៍អស់កម្លាំង និងត្រូវការអាហារច្រើន។ កង្វះសារធាតុរាវ ឬខ្វះជាតិទឹក អាចបណ្តាលឱ្យស្បូនកន្ត្រាក់ ដូច្នេះបើយើងតមអាហារក្នុងអំឡុងពេលពពោះ បើមានអារម្មណ៍ថាកន្ត្រាក់ស្បូន ឬខ្សោះជាតិទឹក គួរឈប់តមភ្លាម ហើយឆាប់ទៅជួបគ្រូពេទ្យ។

៣- វិធីសាស្ត្រតមអាហារពេលពពោះនៅត្រីមាសដំបូង
– ត្រូវយកចិត្តទុកដាក់លើតម្រូវការអាហារូបត្ថម្ភ ហើយរាល់អាហារញ៉ាំទាំងអស់អំឡុងពេលកំពុងតម ត្រូវមានកាបូអ៊ីដ្រាត ៥០% ប្រូតេអ៊ីន ២៥% ខ្លាញ់ល្អ ១០-១៥ ភាគរយ ក៏ដូចជាវីតាមីន និងសារធាតុរ៉ែ។
– យកចិត្តទុកដាក់លើការឡើងទម្ងន់ អំឡុងពេលតមអាហារ និងត្រូវរក្សាទម្ងន់ ក៏ដូចជាពិគ្រោះជាមួយពេទ្យតាមកាលណាត់។
– ត្រួតពិនិត្យឱ្យបានទៀងទាត់ ដើម្បីឱ្យដឹងថា តើគភ៌រអាចសម្របខ្លួនទៅនឹងការផ្លាស់ប្តូរអាហារូបត្ថម្ភយើងកំពុងតមអំឡុងពេលពពោះបាន ឬយ៉ាងណា។
– សម្រាកឱ្យបានច្រើន កុំឱ្យតានតឹងអារម្មណ៍ពេក ព្រោះស្ត្រេសអាចបង្កបញ្ហាដល់សុខភាពយើង។
– ឈប់តមភ្លាម បើសុខភាពយើងលេចចេញរោគសញ្ញាមិនល្អ ដូចជា ចង្អោរ វិលមុខ អស់កម្លាំងខ្លាំង និងរោគសញ្ញាផ្សេងទៀត៕

ប្រភព៖ Hellokrupet

អត្ថបទទាក់ទង

ពពោះ ៣ ខែដំបូង បើ​តម​ផ្តេសផ្តាស ប្រយ័ត្ន​ប៉ះពាល់​កូន​ក្នុងផ្ទៃ

ពពោះ ៣ ខែដំបូង បើតមផ្តេសផ្តាស ប្រយ័ត្នប៉ះពាល់កូនក្នុងផ្ទៃ