ផ្លឹស-ខេអេក ញូវ

ចូលរួមរំលែកទុក្ខតារាសម្តែងជើងចាស់ រិទ្ធ សារី ទទួលមរណភាពហើយ

សង្គម
August 25th, 2022 (4 years)
Views: 315
Share

ភ្នំពេញ៖ ជារឿងដ៏គួរឱ្យសោកស្តាយនៃការបាត់បង់តារាសម្តែងជើងចាស់លោក រិទ្ធ សារី ដែលបានទទួលមរណភាពហើយបន្ទាប់ពីធ្លាក់ខ្លួនឈឺធ្ងន់មួយរយៈចុងក្រោយនេះ។ ជារឿយៗ មិត្តអ្នករួមសិល្បៈជើងចាស់ដូចគ្នាគឺលោក ជា សំនៀង តែងចែករំលែកពីស្ថានភាពជំងឺរបស់លោកតា រិទ្ធ សារី ដែលបានធ្លាក់ខ្លួនឈឺ និងខ្វះខាតថវិកាព្យាបាលជំងឺដើម្បីអំពាវនាវដល់សប្បុរសជនដែលមានទឹកចិត្តជួយជាថវិកាខ្លះដល់លោកសម្រាប់ទិញថ្នាំប្រើប្រាស់ប្រចាំថ្ងៃ។

យ៉ាងណាមិញ មកដល់យប់ថ្ងៃទី២៤ ខែសីហា លោក ជា សំនៀង ដែលធ្លាប់តែប្រកាសឱ្យសប្បុរសជនជួយដល់លោកតា រិទ្ធ សារី បានប្រែក្លាយមកជាដំណឹងដ៏សោកសៅវិញដោយលោកបានទទួលមរណភាពកាលពីយប់មិញហើយ។ គួរបញ្ជាក់ដែរថា លោក រិទ្ធ សារី គឺជាអតីតតារាសម្តែងជើងចាស់មួយរូបកាលពីសង្គមដែលមានប្រជាប្រិយភាពខ្លាំង ក្រោយមកដោយវ័យកាន់តែច្រើន និងមានជំងឺយាយីផងនោះបានធ្វើឱ្យលោកត្រលប់ទៅស្រុកកំណើតនៅខេត្តបាត់ដំបងវិញ និងរស់នៅជាមួយគ្រួសាររហូតដល់ដង្ហើមចុងក្រោយ៕

អត្ថបទទាក់ទង

ចូលរួម​រំលែកទុក្ខ​តារា​សម្តែង​ជើងចាស់ រិទ្ធ សារី ទទួល​មរណភាព​ហើយ

ចូលរួមរំលែកទុក្ខតារាសម្តែងជើងចាស់ រិទ្ធ សារី ទទួលមរណភាពហើយ