ព័ត៌មានថ្មី
- BOOSTRONG The Next Comedian បើកឱកាសសម្រាប់អ្នកមានទេពកោសល្យកំប្លែង ឈ្នះរង្វាន់សរុប ៤០ លានរៀល!
- វគ្គដណ្តើមអៀមសបានបញ្ចប់! ដំណើរពិតរបស់ Junior MasterChef Cambodia ទើបតែចាប់ផ្តើម
- វិញ្ញាសា Fast Food បញ្ចប់វគ្គដណ្តើមអៀមស! Little Chef ៤រូបបន្ថែម បង្ហាញស្នាដៃលេចធ្លោ
- ការប្រកួតដណ្តើមអៀមសនៅតែបន្ត! តើអ្នកណានឹងក្លាយជាម្ចាស់អៀមសបន្ទាប់?
- Junior MasterChef Cambodia៖ ដំណើរស្វែងរក Little Chef នៅតែបន្ត! តើអ្នកណានឹងក្លាយជាម្ចាស់អៀមសបន្ទាប់?
ឃើញគេរិះគន់ផ្អើលប្រទេសពេក លីវ ជីលី ថាមិនមែននាងជាអ្នកផុសទេ តែគឺជាអេតមីនរបស់នាងជាអ្នកផុស
- កម្សាន្ត
- August 25th, 2022 (4 years)
ភ្នំពេញ៖ រឿងឈុតតំណាងក្រុងប៉ោយប៉ែត និងក្រុងបាវិត ដែលគ្រប់គ្នាកំពុងនាំគ្នាជជែកបែកផ្សែងដោយសារយកឈុតល្បែងស៊ីសងនៅកាស៊ីណូមកធ្វើជាឈុតតំណាងឱ្យក្រុងរបស់ខ្លួនកំពុងរងការរិះគន់មិនសំចៃមាត់ពីគ្រប់មជ្ឈដ្ឋាន។
ក្រៅពីមហាជនបាននាំគ្នារិះគន់យ៉ាងចាស់ដៃហើយ ក្នុងនោះក៏មានសិល្បករជាច្រើនបានមានប្រតិកម្មមិនពេញចិត្តចំពោះការបង្ហាញឈុតតំណាងខេត្ត/ក្រុងខុសទំនងរបស់បវរកញ្ញាតំណាងឱ្យក្រុងប៉ោយប៉ែត និងក្រុងបាវិតផងដែរ។
ផ្ទុយទៅវិញ ងាកទៅមើលអតីតបវរកញ្ញា លីវ ជីលី វិញបានបង្ហាញចំណាប់អារម្មណ៍ខុសពីគេបែបនេះថា “ចូលឆ្នាំចិន សែនសឹងពេញប្រទេស ផ្ទះមួយៗលេងតែបៀ ផឹកតែស្រា គ្រាន់ឈុតចឹងសោះ អាណិតអ្នកធ្វើឈុត។ បងហា៎ លើកក្រោយកុំឱ្យគេជេរចឹងទៀត”។
គ្រាន់តែផុសមិនបានប៉ុន្មានផង អ្នកនិយមលេងបណ្តាញសង្គមជាច្រើននាំគ្នា Comments រិះគន់ លីវ ជីលី យ៉ាងចាស់ដៃរហូតមិនបានប៉ុន្មាននាទីផងនាងក៏បានលុបចោលភ្លាម។ ក្រោយមក ក៏បានលេចផុសថ្មីមួយទៀតដោយសរសេរថា៖
“នាងខ្ញុំជីលី សូមទោសបងប្អូនដែលអេតមីននាងខ្ញុំបានផុសពាក្យមិនសមរម្យ ឥលូវនាងខ្ញុំបានលុបរួចរាល់ហើយ សូមទោសណាបងប្អូនដែលធ្វើឱ្យប៉ះពាល់ដល់អារម្មណ៍បងប្អូន។ បន្ថែមនៅក្នុង Comment ជីលី បានរៀបរាប់បន្តថា៖ អេដមីនក្នុងហ្វេសបុកនាងខ្ញុំមាន ៣នាក់ នាងខ្ញុំក៏បានលុបចោលការសរសេរចេញមានការខុសឆ្គង សូមការខុសឆ្គងរាល់កំហុសរបស់អេតមីននាងខ្ញុំ សូមនៅតែបន្តការគាំទ្រដល់រូបនាងខ្ញុំ ស្រលាញ់បងប្អូនទាំងអស់គ្នា”។
គួរបញ្ជាក់ដែរថា បើទោះជាមានការបកស្រាយថាខ្លួនមិនមែនជាអ្នកផុសយ៉ាងណាក៏ដោយ ក៏មហាជននៅតែនាំគ្នារិះគន់មិនសំចៃមាត់ ដោយនាំគ្នានិយាយថា នាងនិយាយយករួចខ្លួនមិនព្រមទទួលស្គាល់កំហុសដែលខ្លួនបានធ្វើ៕
អត្ថបទទាក់ទង
RED BULL POWER
