ផ្លឹស-ខេអេក ញូវ

ផ្ទុះរឿងអាស្រូវមិនចុះសម្រុងគ្នាជាញឹកញយ តែក្នុងថ្ងៃគម្រប់អាពាហ៍ពិពាហ៍ ៤ឆ្នាំ Justin និង Hailey ពោលពាក្យផ្អែមល្ហែមដាក់គ្នាឡើងព្រឺសម្បុរ

កម្សាន្ត
September 15th, 2022 (3 years)
Views: 163
Share

អាមេរិក៖ អ្នកគាំទ្ររបស់តារាចម្រៀងល្បីឈ្មោះ Justin និង តារាបង្ហាញម៉ូត Hailey សុទ្ធតែបានដឹងថា អ្នកទាំង២ បានកាន់ដៃគ្នាសាងគ្រួសារដោយប្រារព្ធកម្មវិធីនៅសហរដ្ឋអាមេរិកកាលពីឆ្នាំ២០១៨កន្លងទៅ។ បន្ទាប់ពីរៀបអាពាហ៍ពិពាហ៍រួច គូស្នេហ៍មួយនេះតែងផ្ទុះព័ត៌មានចចាមអារ៉ាមជារឿយៗពីភាពមិនចុះសម្រុងគ្នាឥតឈប់ឈរ ក៏ដូចជាមហាជនមួយចំនួនធ្វើការប្រៀបធៀបនៃទង្វើរបស់ Justin ធ្វើដាក់ Hailey ហាក់ព្រងើយកន្តើយខុសពីទង្វើយកចិត្តទុកដាក់លើ Selena កន្លងមក។

យ៉ាងណាមិញ មកដល់គម្រប់ខួបអាពាហ៍ពិពាហ៍ ៤ឆ្នាំនេះ Justin បានបង្ហាញអារម្មណ៍របស់ខ្លួនតាមរយៈពាក្យពេចន៍ទាំងនេះថា “រីករាយគម្រប់ខួបអាពាហ៍ពិពាហ៍ទៅដល់មិត្តជិតដិតដែលត្រូវជាភរិយារបស់ខ្ញុំ Hailey Baldwin អរគុណដែលបានធ្វើឱ្យបងប្រសើរឡើងគ្រប់យ៉ាង”។

ក្រលេកទៅមើលពី Hailey វិញនាងក៏បានសរសេរបែបនេះផងដែរថា “៤ឆ្នាំបន្ទាប់ពីរៀបការមក បងគឺជាបុរសដ៏អស្ចារ្យម្នាក់ដែលអូនមិនដែលជួប អរគុណព្រះជាម្ចាស់ដែលបានប្រទានបងឱ្យអូន”។ គ្រាន់តែឃើញប្តីប្រពន្ធមួយគូនេះចែករំលែកប្រយោគផ្អែមល្ហែមក្នុងថ្ងៃគម្រប់ខួបអាពាហ៍ពិពាហ៍បែបនេះភ្លាម អ្នកគាំទ្រជាច្រើនបាននាំគ្នាចូលរួមអបអរចំពោះស្នេហាពួកគេផងដែរ។

គួរបញ្ជាក់ដែរថា Hailey ធ្លាប់បានប្រាប់អ្នកគាំទ្ររបស់នាងថា នាងនឹងរស់នៅជាមួយ Justin ពេញមួយជីវិតរហូតដល់អាយុ ១០០ឆ្នាំ ទោះជាយ៉ាងណាក៏នៅតែរៀនពីអ្វីដែលថ្មី និងនៅតែបន្តរៀនយល់ពីគ្នាជានិច្ច៕

អត្ថបទទាក់ទង