×

ពូកែតិះដៀល​ថា​មុខអាក្រក់​​ពេក Dilraba Dilmurat តបទៅវិញ​មួយឆ្ងាញ់​ទៅ​អ្នករិះគន់

ចិន៖ ភាពមមាញឹករបស់តារាសម្តែងល្បីឈ្មោះ Dilraba Dilmurat បានធ្វើឱ្យតារាស្រីរូបនេះស្ទើរតែរកពេលសម្រាកគ្មាន។ ទោះជាយ៉ាងណា កាលពីពេលថ្មីៗនេះដែរ ខណៈពេលកំពុងអង្គុយញ៉ាំហ៊តផត Dilraba បានឆ្លៀត Live ដើម្បីជជែកកម្សាន្តជាមួយអ្នកគាំទ្រយ៉ាងសប្បាយរីករាយ ប៉ុន្តែក្រៅពីអ្នកគាំទ្រដែលបានចូលមើល Live របស់នាងហើយ ក៏មានគណនីមួយបានចូលទៅរិះគន់សម្រស់របស់តារាស្រីរូបនេះថាអាក្រក់ផងដែរ។

មិនរង់ចាំយូរ Dilraba បានឆ្លើយតបទៅវិញយ៉ាងត្រជាក់ថា “ខ្ញុំមិនស្អាតទេ អរគុណដែលបានចំណាយពេលវេលាមកមើលការ Live របស់ខ្ញុំដែលមុខអាក្រក់”។ មួយឃ្លានេះបានធ្វើឱ្យ Dilraba ទទួលបានការកោតសរសើរពីសំណាក់អ្នកគាំទ្រជាខ្លាំងដែលនាងអាចគ្រប់គ្រងអារម្មណ៍ និងរក្សាស្ថានការណ៍បានល្អបែបនេះ។

គួរបញ្ជាក់ដែរថា Dilraba គឺជាតារាស្រីមួយរូបដែលធ្លាប់ទទួលបានពាក្យរិះគន់ច្រើនបំផុតថាជាតារាដែលមានសម្រស់មិនស្អាតដោយរូបសន្លឹកជាច្រើនដែលមិនទាន់ចូលកម្មវិធីកែរូបឱ្យស្អាត ត្រូវបានចែកចាយរហូតនាងត្រូវរងពាក្យរិះគន់ជាញឹកញាប់កន្លងមក។

ទោះជាយ៉ាងណា រាល់ពេលចូលរួមក្នុងកម្មវិធីនានា Dilraba តែងទទួលបានការចាប់អារម្មណ៍នៅពេលបង្ហាញវត្តមានម្តងៗជាមួយរូបសម្រស់ដូចព្រះនាងក្នុងរឿងនិទានអ៊ីចឹង៕

 

អ្នកអាចចែករំលែកដោយ៖

អត្ថបទទាក់ទង