ផ្លឹស-ខេអេក ញូវ

រលាកក្រពះពោះវៀនរ៉ាំរ៉ៃ ទុកចោលយូរអាចកើតជំងឺផ្សេងទៀត

សម្រស់ជីវិត
October 4th, 2022 (2 years)
Views: 150
Share

រលាកក្រពះពោះវៀន ជាបញ្ហានៃសុខភាពប្រព័ន្ធរំលាយអាហារ ដែលគ្នាយើងគ្រប់រូបសុទ្ធតែមានភាគរយខ្ពស់ប្រឈមនឹងកើតជំងឺនេះ។ ជំងឺរលាកក្រពះពោះវៀនវិវត្តទៅតាមកម្រិតរបស់វា ពីកម្រិតស្រាលរហូតដល់កម្រិតធ្ងន់ធ្ងរ បើយើងមិនចាប់អារម្មណ៍ បញ្ហានេះអាចបង្កឱ្យសុខភាពជួបនឹងជំងឺដទៃទៀត។

ក្នុងករណីកម្រិតស្រាល ជំងឺរលាកក្រពះពោះវៀនកើតឡើងដោយសារតែការញ៉ាំមិនទៀងពេល ចំណីអាហារសម្បូរគីមី ញ៉ាំសាច់ច្រើន គេងមិនលក់ ផឹកស្រា ឬជក់បារីជាដើម។ ចំណែកការវិវត្តទៅជាករណីធ្ងន់ធ្ងរ ក៏ព្រោះតែមិនព្យាបាលរលាកក្រពះពោះវៀនកម្រិតស្រាលទាន់ពេល និងមិនយកចិត្តទុកដាក់ ហើយបញ្ហាសុខភាពក្រពះពោះវៀននេះ ក៏អាចធ្វើឱ្យប្រព័ន្ធការពាររាងកាយ និងប្រព័ន្ធរំលាយអាហារចុះខ្សោយ។ នេះបើតាមការឲ្យដឹងពីលោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។

ជំងឺវិវត្តឡើងដោយសាររលាកក្រពះពោះវៀនរ៉ាំរ៉ៃ
– ចុករោយដៃជើង ចង្កេះ ស្មា កញ្ចឹងក ជំងឺស្ត្រេស និងឈឺចាប់តាមសន្លាក់
– បញ្ហាស្បែក អណ្ដាតស ការចងចាំចុះខ្សោយ
– លើសជាតិអាស៊ីដ លើសខ្លាញ់ និងលើសជាតិពុល
– ខ្វះជាតិស្ករ កាល់ស្យូម គ្រាប់ឈាមក្រហម និងខ្វះអុកស៊ីសែន
– បង្កឱ្យកើតជំងឺទល់លាមក ស្អិតពោះវៀនធំ
– បង្កឱ្យរលាកប្លោកនោម តម្រងនោម ថ្លើម និងជំងឺធាត់
– បណ្ដាលឱ្យមានជំងឺបេះដូង លើសឈាម និងទឹកនោមផ្អែម
– ស្គមស្គាំង រហូតអាចកើតជំងឺមហារីកក្រពះ ឬមហារីកពោះវៀន និងជំងឺផ្សេងៗទៀត។

ចំពោះរោគសញ្ញាដែលយើងគួរកត់សម្គាល់នៃជំងឺរលាកក្រពះពោះវៀនមានដូចជា រាករូស ក្អួតចង្អោរញឹកញាប់ វិលមុខ ញ៉ាំមិនសូវបាន ហើមពោះ មិនដើរខ្យល់ ឈឺចុកចាប់ ក្ដៅ ក្រហាយនៅចុងដង្ហើម ពិបាកបត់ជើងធំ និងមានអាការៈធ្វើទុក្ខទៀងពេល។

យ៉ាងណាមិញ លោកវេជ្ជបណ្ឌិតដដែលបានណែនាំឱ្យគ្នាយើងចេះថែទាំ និងស្រលាញ់សុខភាពប្រព័ន្ធរំលាយអាហារ ដើម្បីចៀសផុតពីជំងឺរលាកក្រពះពោះវៀន និងជំងឺប្រព័ន្ធរំលាយអាហារផ្សេងទៀតដោយ៖
• ញ៉ាំឱ្យបានទៀងទាត់
• ញ៉ាំអាហារចម្អិនឆ្អិនល្អ មានអនាម័យ
• ហាត់ប្រាណជាប្រចាំ
• កាត់បន្ថយស្រា និងកុំជក់បារី
• ចៀសវាងប្រើថ្នាំគ្មានវេជ្ជបញ្ជា៕

ប្រភព៖ Hellokrupet

អត្ថបទទាក់ទង

រលាក​ក្រពះ​ពោះវៀន​រ៉ាំរ៉ៃ ទុកចោលយូរ​អាច​កើតជំងឺ​ផ្សេងទៀត

រលាកក្រពះពោះវៀនរ៉ាំរ៉ៃ ទុកចោលយូរអាចកើតជំងឺផ្សេងទៀត