ផ្លឹស-ខេអេក ញូវ

រយៈពេលដែល Reece James ត្រូវសម្រាកព្យាបាលរបួសជង្គង់ត្រូវបានបង្ហាញ

កីឡា
October 13th, 2022 (2 years)
Views: 139
Share

Chelsea ត្រូវបានរាយការណ៍ថា របួសជង្គង់របស់គេ ដែលបានកើតឡើងពេលប៉ះ AC Milan មិនធ្ងន់ធ្ងរទេ។

James ត្រូវបានបង្ខំឱ្យចាកចេញពីទីលាននៅក្នុងវគ្គទីពីរនៃការទទួលជ័យជម្នះ 2-0 ក្នុងពានរង្វាន់ Champions League នៅក្នុងប្រទេសអ៊ីតាលី ប៉ុន្តែការពិនិត្យបឋម បានបង្ហាញថា របួសរបស់ James មិនធ្ងន់ធ្ងរនោះទេ។ ខ្សែការពារស្តាំរបស់ Chelsea ត្រូវឆ្លងកាត់ការស្កេនបន្ថែមទៀត ប៉ុន្តែសាមីខ្លួន មានសុទិដ្ឋិនិយមថាខ្លួននឹងត្រលប់មកវិញយ៉ាងឆាប់រហ័ស។

James ទំនងជាអនុវត្តក្នុងការប្រកួតក្រៅដី ជាមួយ Aston Villa នៅ ថ្ងៃ អាទិត្យ ប៉ុន្តែគេរំពឹងថានឹងត្រលប់មកវិញនៅសប្តាហ៍ក្រោយ ក្នុងពេលប៉ះ Brentford ឬ Manchester United ។

Graham Potter អ្នកចាត់ការក្រុមតោខៀវ នឹងធ្វើបច្ចុប្បន្នភាពអំពីរបួសរបស់ James នៅក្នុងសន្និសីទសារព័ត៌មានរបស់គាត់នៅថ្ងៃសុក្រ។

នេះក៏ជាដំណឹងល្អសម្រាប់អ្នកចាត់ការក្រុមជម្រើសជាតិអង់គ្លេស Gareth Southgate ដែលកំពុងមានកីឡាកររបួសជាច្រើន មុនការប្រកួត World Cup ។

Kyle Walker និង Trent Alexander-Arnold សុទ្ធតែរបួសនៅពេលលេងឱ្យក្លិបរៀងៗខ្លួន។ Walker បានទទួលការវះកាត់ក្រលៀន ខណៈ Alexander-Arnold ប្រឈមមុខនឹងការសម្រាករយៈពេលពីរទៅបីសប្តាហ៍ជាមួយនឹងរបួសកជើង។

សូមរំឭកថា James បានចាប់ផ្តើមការប្រកួតចុងក្រោយរបស់អង់គ្លេស ដែលស្មើ 3-3 ជាមួយអាល្លឺម៉ង់នៅ Wembley ក្នុងកម្មវិធីប្រកួត Nations League កាលពីខែមុន៕

អត្ថបទទាក់ទង

រយៈពេល​ដែល Reece James ត្រូវ​សម្រាក​ព្យាបាល​របួស​ជង្គង់​ត្រូវបាន​បង្ហាញ

រយៈពេលដែល Reece James ត្រូវសម្រាកព្យាបាលរបួសជង្គង់ត្រូវបានបង្ហាញ