ផ្លឹស-ខេអេក ញូវ

ស្រីស្អាតរូបនេះហើយដែល ដាដាវ ប្រកាសឱ្យចូលខ្លួនសងសំណងការបំផ្លាញសម្ភារក្នុងខុនដូជួលរបស់នាងក្នុងទឹកប្រាក់ ២០៦០ដុល្លារអាមេរិក

កម្សាន្ត
November 2nd, 2022 (3 years)
Views: 653
Share

ភ្នំពេញ៖ Influencer ដ៏មានប្រជាប្រិយភាព ដាដាវ មួយរយៈមុនបានប្រកាសដាក់ជួលខុនដូរបស់នាងបន្ទាប់ពីដំឡើងគ្រឿងសង្ហារិមដែលនាង និងគូដណ្តឹងបានចំណាយពេលវេលាសម្រិតសម្រាំងរៀបចំយ៉ាងយកចិត្តទុកដាក់ ប៉ុន្តែចុងក្រោយបែរប៉ះចំអ្នកជួលដែលមិនជួយថែរក្សា និងបំផ្លាញគ្រឿងសង្ហារិមខូចខាតយ៉ាងធ្ងន់ធ្ងរ។

បន្ទាប់ពីបានទាក់ទងភាគីអ្នកជួលឱ្យចូលខ្លួនមកដោះស្រាយច្រើនលើកច្រើនសារតែមិនទទួលបានការសហការភ្លាម កាលពីយប់ថ្ងៃទី ០១ ខែវិច្ឆិកា ឆ្នាំ២០២២ ម្សិលមិញនេះ Influencer រូបនេះបានរកមេធាវីចាត់ការតាមផ្លូវច្បាប់លើសំណងដែលភាគីអ្នកជួលបានបំផ្លិចបំផ្លាញទ្រព្យសម្បត្តិរបស់នាង។

បញ្ហាមួយនេះកំពុងធ្វើឱ្យអ្នកនិយមលេងបណ្តាញសង្គមចាប់អារម្មណ៍ និងនាំគ្នាចែករំលែកតគ្នារហូតដល់ជាង ៥ពាន់នាក់បន្ទាប់ពី ដាដាវ បានផុសនៅផេកផ្លូវការរបស់នាងប្រកាសជូនដំណឹងដល់អ្នកជួលដែលមានឈ្មោះ កែវ ពិសី ចូលខ្លួនមកដោះស្រាយលើសំណងខូចខាតនូវសម្ភារនានា និងថ្លៃសម្អាតបន្ទប់ផងនោះក្នុងទឹកប្រាក់ ២០៦០ដុល្លារអាមេរិក។

លិខិតប្រមានដែល ដាដាវ និងគូដណ្តឹងត្រៀមចាត់ការតាមផ្លូវច្បាប់នោះត្រូវបានទុកពេលឱ្យកញ្ញា កែវ ពិសី រយៈពេល ៧ថ្ងៃដើម្បីចូលខ្លួនដោះស្រាយសងសំណងលើសម្ភារដែលមិនអាចជួសជុលវិញបានដោយអ្នកទាំង២ក៏បានភ្ជាប់រូបថតមុនពេលជួល និងក្រោយពេលជួលខុនដូឱ្យ កែវ ពិសី ឃើញមានការខូចខាតធ្ងន់ធ្ងរមិនអាចទទួលយកបាន។

គួរបញ្ជាក់ដែរថា អ្នកជួលខុនដូឈ្មោះ កែវ ពិសី ក៏ជាតារាបង្ហាញម៉ូត និងតារាសម្តែងវ័យក្មេងមួយរូបជាកូនកាត់ខ្មែរ-ប៉ាគីស្ថានដែលអ្នកនិយមលេងបណ្តាញសង្គមមួយចំនួនបានស្គាល់នាងផងដែរ៕

អត្ថបទទាក់ទង