ផ្លឹស-ខេអេក ញូវ

Son មិនទាន់ច្បាស់ទេថាអាចលេងឱ្យកូរ៉េខាងត្បូងបានគ្រប់ការប្រកួតនៅ World Cup

កីឡា
November 17th, 2022 (2 years)
Views: 124
Share

Son Heung Min ប្រធានក្រុមជម្រើសជាតិកូរ៉េខាងត្បូង បាននិយាយថា គាត់មិនទាន់ប្រាកដទេថា គាត់អាចលេងគ្រប់ការប្រកួតរបស់ពួកគេនៅ FIFA World Cup Qatar 2022 បន្ទាប់ពីបានទទួលការវះកាត់ជិតភ្នែកខាងឆ្វេងរបស់គាត់។

Son ត្រូវបានបញ្ចូលទៅក្នុងក្រុមជម្រើសជាតិកូរ៉េខាងត្បូង បើទោះបីជាមានរបួសប្រេះឆ្អឹងនៅជិតភ្នែកក៏ដោយ។ ខ្សែបម្រើវ័យ 30 ឆ្នាំ ដែលនឹងពាក់ស្រោមមុខដើម្បីការពារមុខ បានហ្វឹកហាត់លើកដំបូងនៅទីក្រុងដូហា កាលពីថ្ងៃពុធ។

Son បានប្រាប់អ្នកសារព័ត៌មានថា៖ “ខ្ញុំមិនមែនជាគ្រូពេទ្យទេ។ វាពិបាកសម្រាប់ខ្ញុំក្នុងការនិយាយថាពេលណាខ្ញុំអាចលេងបាន។ ខ្ញុំនឹងព្យាយាមលេងឱ្យអស់ពីសមត្ថភាព ប៉ុន្តែវាពិបាកណាស់សម្រាប់ខ្ញុំក្នុងការនិយាយថា ខ្ញុំនឹងអាចលេងបានគ្រប់ការប្រកួត។”

Son បានបន្តថា គាត់បានស៊ាំនឹងការលេងពាក់ស្រោមមុខ នៅពេលដែលការហើមនៅលើផ្ទៃមុខរបស់គាត់ រាងស្រកបន្តិចហើយ។ Son បានបន្ថែមថា៖ “របាំងមុខធ្វើពីកាបូនស្រាល ហើយមិនងាយបែកទេ”។

កូរ៉េខាងត្បូង ដែលនឹងបង្ហាញខ្លួនជាលើកទី 10 ជាប់ៗគ្នានៅ World Cup នឹងប៉ះ អ៊ុយរុយហ្គាយ ហ្គាណា និងព័រទុយហ្គាល់ ក្នុងពូល H របស់ពួកគេ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 18 ខែធ្នូ ឆ្នាំ 2022៕

អត្ថបទទាក់ទង