ព័ត៌មានថ្មី
- ត្រៀមខ្លួនសម្រាប់ភាពជក់ចិត្ត! វិញ្ញាសា Junior MasterChef Cambodia រដូវកាលទី ១ ដែលពុំនឹកស្មានដល់
- វេជ្ជឌី នាំរសជាតិ BBQ មកបង្កើនអារម្មណ៍ Chill ក្នុងកម្មវិធី Cook & Chill ថ្ងៃអាទិត្យសប្ដាហ៍នេះ!
- CBS នឹងតំណាងឱ្យកម្ពុជានៅក្នុងកិច្ចប្រជុំកំពូលបច្ចេកវិទ្យាដ៏សំខាន់របស់អាស៊ី នៅប្រទេសសិង្ហបុរី
- Cook & Chill សប្ដាហ៍នេះ កាន់តែប្លែក! ជាមួយលោក ឡុង សំរិទ្ធិ នាំរសជាតិខ្មែរដ៏សែនឆ្ងាញ់មកដល់ “ភូមិខ្មែរអ្នកធ្វើ” នៅផ្សារទំនើបជីបម៉ុង ២៧១ មេហ្គាម៉ល🍃🔥
- អបអរសាទរផលិតផលក្រោមក្រុមហ៊ុន ខ្មែរ ប៊ែវើរីជីស ទទួលបានមេដាយមាសសរុប ៥៥ គ្រឿង ច្រើនជាងគេបង្អស់នៅកម្ពុជា ពីស្ថាប័នអន្តរជាតិ
ដណ្ដប់ភួយពេលគេងមិនត្រឹមតែជាទម្លាប់ តែនៅមានហេតុផលច្រើនទៀត
- សម្រស់ជីវិត
- November 24th, 2022 (3 years)
នៅពេលយប់យើងអាចនឹងគេងរើទៅរើមក ហើយភួយគឺរបស់តែមួយដែលអាចជួយឱ្យយើងគេងលក់។ នៅពេលដណ្ដប់ភួយ យើងអាចនឹងគេងលក់លឿនជាងមុនទោះបីស្ថិតក្នុងអាកាសធាតុក្ដៅក៏ដោយ។ នេះអាចមកពីមូលហេតុមួយចំនួនដែលធ្វើឱ្យយើងត្រូវគេងដណ្ដប់ភួយទោះបីអាកាសធាតុក្ដៅប៉ុនណាក៏ដោយ។
១. ភួយជួយរក្សាសីតុណ្ហភាពរាងកាយ
មនុស្សយើងគឺមានឈាមក្ដៅដែលនេះមានន័យថារាងកាយរក្សាសីតុណ្ហភាពខាងក្នុង និងជួយឱ្យរាងកាយមានភាពកក់ក្ដៅ។ ប៉ុន្តែនៅពេលគេងលក់ស្ងប់ ការគ្រប់គ្រងរបស់រាងកាយនឹងមានការចុះខ្សោយ។ ដូចនេះហើយទើបយើងព្យាយាមរករបស់នៅជុំវិញខ្លួនជាជំនួយ ហើយភួយគឺជារបស់មួយដែលអាចជួយរក្សាសីតុណ្ហភាព និងជួយរាងកាយឱ្យស៊ាំទៅនឹងសីតុណ្ហភាពដែលយើងត្រូវការ។
២. ភួយជារបស់មួយក្នុងទម្លាប់នៃការគេងរបស់យើង
ទម្លាប់អាចជាមូលហេតុមួយដែលយើងត្រូវការភួយពេលគេង។ នេះមកពីយើងទម្លាប់ដណ្ដប់ភួយតាំងពីក្មេងមក ហើយក៏ក្លាយជាទម្លាប់រហូតដល់ពេលធំឡើង។ ហេតុនេះហើយពេលយើងចូលគេងហើយដណ្ដប់ភួយ រាងកាយអាចនឹងទទួលសញ្ញាថាដល់ម៉ោងគេងហើយ។
៣. ភួយជួយបន្ថយភាពតានតឹង និងអាការថប់បារម្ភ
អ័រម៉ូន serotonin គឺមានតួនាទីសំខាន់ក្នុងការជួយឱ្យយើងមានអារម្មណ៍សប្បាយរីករាយ និងស្ងប់។ នៅពេលយើងមានភាពតានតឹង និងអាការៈថប់បារម្ភ យើងនឹងមានការលំបាកក្នុងការគេងលក់។ ប៉ុន្តែនៅពេលដែលយើងដណ្ដប់ភួយ បរិមាណនៃអ័រម៉ូននេះនឹងកើនឡើង ហើយភាពតានតឹង និងធុញថប់ក៏បាត់ទៅដែរ។
៤.ភួយជួយឱ្យគេងលក់
ភួយជួយបង្កើតបរិយាកាសមួយធ្វើឱ្យសីតុណ្ហភាពមិនមានការប្រែប្រួលខ្លាំង។ នេះអាចជួយឱ្យយើងមានអារម្មណ៍កក់ក្ដៅ ហើយកត្តាជំរុញឱ្យសីតុណ្ហភាពរាងកាយចុះត្រជាក់ក៏មិនជះឥទ្ធិពលខ្លាំងដល់រាងកាយដែរ។ ដូចនេះយើងនឹងគេងលក់លឿនហើយស្ងប់ដោយមិនមានការរំខានអ្វី។
៥. ភួយជួយឱ្យយើងមានអារម្មណ៍ថាមានសុវត្ថិភាព
ភួយជំរុញឱ្យយើងមានអារម្មណ៍ថាមានសុវត្ថិភាពព្រោះពេលនៅក្មេងយើងតែងខ្លាចភាពងងឹត។ ដូចនេះពេលមានអារម្មណ៍ភ័យខ្លាច យើងនឹងដណ្ដប់ភួយដោយជឿថាការធ្វើបែបនេះអាចជួយការពារយើងបាន។ អារម្មណ៍ដែលត្រូវបានការពារនេះក៏នៅរហូតដល់សព្វថ្ងៃនៅពេលយើងដណ្ដប់ភួយ៕
ប្រភព៖ Hellokrupet
អត្ថបទទាក់ទង
RED BULL POWER
