ផ្លឹស-ខេអេក ញូវ

អាប៊ីតក្នុងការប្រកួតអាហ្សង់ទីន-ក្រូអាតយប់នេះ គឺជនជាតិអ៊ីតាលី

កីឡា
December 13th, 2022 (4 years)
Views: 249
Share

អាហ្សង់ទីន នឹងប្រកួតជាមួយក្រូអាត ក្នុងវគ្គពាក់កណ្ដាលផ្ដាច់ព្រ័ត្រ នៃព្រឹត្តិការណ៍ FIFA World Cup Qatar 2022 យប់នេះ ខណៈលោក Daniele Orsato ត្រូវបានតែងតាំងជាអាជ្ញាកណ្ដាលសម្រាប់ សម្រាប់ការប្រកួតនៅកីឡដ្ឋាន Lusail ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN, MyTV និង CNC តែមួយគត់ ចាប់ពីម៉ោង 1:30 នាទីរំលងអធ្រាត្រតទៅ។

លោក Orsato គឺជាមន្ត្រីដែលមានបទពិសោធជាច្រើនឆ្នាំ ដោយបានក្លាយជាអាជ្ញាកណ្តាលរបស់ FIFA ក្នុងឆ្នាំ 2010។ គាត់បានកាត់ក្ដីសម្រាប់ការប្រកួតវគ្គផ្តាច់ព្រ័ត្រនៃក្របខណ្ឌ Champions League កាលពីឆ្នាំ 2020 រវាង Paris Saint-Germain និង Bayern Munich ហើយបានដឹកនាំការប្រកួតចំនួន 2 នៅព្រឹត្តិការណ៍ World Cup ក្នុងប្រទេសកាតា គិតមកទល់ពេលនេះ។

លោក Orsato បានកាត់ក្ដីក្នុងជ័យជម្នះ 2-0 របស់អាហ្សង់ទីនលើម៉ិកស៊ិក ដែលគាត់បានបញ្ចេញកាតលឿងចំនួន 5 កាត ហើយបានដឹកនាំការប្រកួតដែលអេក្វាឌ័រយកឈ្នះលើម្ចាស់ផ្ទះកាតា ក្នុងថ្ងៃបើកឆាកនៃព្រឹត្តិការណ៍ FIFA World Cup Qatar 2022 ។

ដោយឡែក ជំនួយការអាជ្ញាកណ្តាលនៅខ្សែបន្ទាត់ពីររូប គឺលោក Ciro Carbone ជនជាតិអ៊ីតាលី និងលោក Alessandro Giallatini ជនជាតិអ៊ីតាលី។ ជំនួយការអាជ្ញាកណ្តាលសម្រាប់ប្រព័ន្ធ VAR គឺលោក Massimiliano Irrati ក៏ជាជនជាតិអ៊ីតាលីផងដែរ៕

អត្ថបទទាក់ទង