ផ្លឹស-ខេអេក ញូវ

Ronaldo ប្រេស៊ីលចង់ឱ្យបារាំងក្លាយជាជើងឯកWorld Cup

កីឡា
December 13th, 2022 (2 years)
Views: 128
Share

លោក Ronaldo បាននិយាយថា គាត់គាំទ្រក្រុមមាន់គកបារាំង ក្នុងការក្លាយជាជើងឯកនៃព្រឹត្តិការណ៍ FIFA World Cup Qatar 2022 ហើយលោកមិនជ្រើសរើសអាហ្សង់ទីនឡើយ ក្នុងការប្រកួតវគ្គពាក់កណ្ដាលផ្ដាច់ព្រ័ត្រទល់នឹងក្រូអាត។

អតីតតារាប្រេស៊ីល ដែលឈ្នះពានរង្វាន់ World Cup ពីរសម័យកាល បានប្រាប់អ្នកសារព័ត៌មាន នៅតុមូលក្នុងទីក្រុងដូហា ថា៖ “តាំងពីដើមមក ការទស្សន៍ទាយរបស់ខ្ញុំគឺប្រេស៊ីល ឬបារាំង ឈ្នះនៅវគ្គផ្តាច់ព្រ័ត្រ”។ “ប្រេស៊ីលធ្លាក់ហើយ។ ប៉ុន្តែ បារាំងកាន់តែល្អពីមួយប្រកួតទៅមួយប្រកួត ហើយខ្ញុំនៅតែគិតថាពួកគេនឹងអាចឈ្នះ”។

Ronaldo ដែលស៊ុតបញ្ចូលទី 2 គ្រាប់នៅក្នុងវគ្គផ្ដាច់ព្រ័ត្រ World Cup 2002 យកឈ្នះលើអាល្លឺម៉ង់ បានបន្តថា៖ “ខ្ញុំចង់ឃើញម៉ារ៉ុកឈ្នះ ប៉ុន្តែវានឹងមិនអាចទៅរួចទេ។ បារាំងជាក្រុមខ្លាំង ទាំងការពារ បម្រើ និងប្រយុទ្ធ”។

មុនការប្រកួតរវាងអាហ្សង់ទីន ជាមួយក្រូអាត Ronaldo ថា៖ “ខ្ញុំនឹងមិនសប្បាយទេ” បើអាហ្សង់ទីនលើកពាន World Cup ប៉ុន្តែគាត់នឹងកោតសរសើរចំពោះក្រុមដែលក្លាយជាជើងឯក។

ការប្រកួតអាហ្សង់ទីន-ក្រូអាត នឹងផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN, MyTV និង CNC តែមួយគត់ ចាប់ពីម៉ោង 1:30 នាទីរំលងអធ្រាត្រយប់នេះតទៅ៕

អត្ថបទទាក់ទង