ផ្លឹស-ខេអេក ញូវ

អាប៊ីតក្នុងការប្រកួតយប់នេះធ្លាប់ដឹកនាំពេលម៉ារ៉ុកយកឈ្នះបែលហ្ស៊ិក

កីឡា
December 14th, 2022 (2 years)
Views: 151
Share

នៅក្នុងការប្រកួតវគ្គពាក់កណ្ដាលផ្ដាច់ព្រ័ត្រ នៃព្រឹត្តិការណ៍ FIFA World Cup Qatar 2022 រវាងបារាំង ជាមួយ ម៉ារ៉ុក នារាត្រីនេះ លោក Cesar Romos ជនជាតិម៉ិកស៊ិកនឹងដឹកនាំការប្រកួតនេះ ហើយនេះជាលើកទីពីរដែលអាជ្ញាកណ្ដាលវ័យ ៣៨ឆ្នាំរូបនេះ កាត់ក្ដីនៅលើទីលានប្រកួតរបស់ក្រុមម៉ារ៉ុក។

អ្នកគាំទ្រក្រុមមកពីអាហ្វ្រិកប្រហែលជានៅចង់បុរសម្នាក់នេះ ដែលបានដឹកនាំការប្រកួតវគ្គសន្សំពិន្ទុ ដែលម៉ារ៉ុកបានយកឈ្នះលើបែលហ្ស៊ិក ក្នុងលទ្ធផល 2-0 ។ លោក Ramos បានដឹកនាំការប្រកួតចំនួន 3 រួចមកហើយ រួមទាំងការប្រកួត Denmark ស្មើជាមួយទុយណេស៊ី 0-0 និង ព័រទុយហ្គាល់ឈ្នះស្វីស 6-1 ។

លោក Romos បានក្លាយជាមន្ត្រី FIFA កាលពីឆ្នាំ 2014 និងមានបទពិសោធដឹកនាំការប្រកួតក្នុងពានរង្វាន់ FIFA Club World Cup, CONCACAF Gold Cups និងព្រឹត្តិការណ៍កីឡាអូឡាំពិក។ លោកបានបង្ហាញខ្លួននៅ World Cup ជាលើកដំបូង កាលពី 4 ឆ្នាំមុន។

សម្រាប់ជំនួយការអាជ្ញាកណ្ដាលខ្សែបន្ទាត់ គឺលោក Iberto Morin និង Miguel Hernandez ជាជនជាតិម៉ិកស៊ិកទាំងពីររូប។ មន្ត្រីដឹកនាំ VAR គឺលោក Drew Fischer ជនជាតិកាណាដា។

ការប្រកួតរវាង បារាំង និងម៉ារ៉ុក នឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN, MyTV និង CNC តែមួយគត់ ចាប់ពីម៉ោង 1:30 នាទីរំលងអធ្រាត្រយប់នេះតទៅ៕

អត្ថបទទាក់ទង