ផ្លឹស-ខេអេក ញូវ

វគ្គផ្ដាច់ព្រ័ត្រWorld Cup 2022 រវាងអាហ្សង់ទីនជាមួយបារាំង ផ្សាយបន្តផ្ទាល់ផ្ដាច់មុខនៅលើទូរទស្សន៍CTN, MyTVនិងCNCតែមួយគត់ចាប់ពីម៉ោង9:30នាទីយប់នេះ

កីឡា
December 18th, 2022 (4 years)
Views: 311
Share

ការប្រកួតបាល់ទាត់ពិភពលោកឆ្នាំ 2022 នៅប្រទេសកាតា នឹងបញ្ចប់នៅយប់ថ្ងៃអាទិត្យនេះ ខណៈអាហ្សង់ទីន ត្រូវជួបជាមួយបារាំង ក្នុងវគ្គផ្តាច់ព្រ័ត្រ នៅកីឡដ្ឋាន Lusail ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN, MyTV និង CNC តែមួយគត់ ចាប់ពីម៉ោង 9:30 នាទីយប់តទៅ។

Lionel Messi របស់អាហ្សង់ទីន និង Kylian Mbappe របស់បារាំង សុទ្ធ តែ មាន គ្រាប់ បាល់ ចំនួន 5 គ្រាប់ ខណៈ ពួក គេ កំពុងប្រជែងគ្នាដើម្បី ឈ្នះពានរង្វាន់ ស្បែក ជើង មាស ដោយតារា របស់ អាហ្សង់ទីន មាន Assist 3ដង លើសតារារបស់បារាំង 1 ដង។ ចំណែក Julian Avarez របស់អាហ្សង់ទីន និង Oliver Giroud របស់បារាំង មានម្នាក់ 4 គ្រាប់។

ក្នុងនោះ បន្ទាប់ពីចប់ការប្រកួតនេះ ក៏នឹងមានការចែកមេដាយ ពានរង្វាន់ World Cup និងពានរង្វាន់សម្រាប់ ឯកត្តជនផងដែរ។

នេះជាការប្រកួតដែលសម្រេចថាក្រុមណានឹងក្លាយជាម្ចាស់ពានរង្វាន់ FIFA World Cup Qatar 2022 រវាងក្រុមពីរ ដែលសុទ្ធតែធ្លាប់ទទួលបរាជ័យដូចគ្នា កាលពីវគ្គចែកពូល។

អាហ្សង់ទីន បានយកឈ្នះក្រូអាត ក្នុងលទ្ធផល 3-0 ខណៈបារាំង បានបំពាក់ម៉ារ៉ុក ក្នុងលទ្ធផល 2-0 នៅវគ្គពាក់កណ្ដាលផ្ដាច់ព្រ័ត្រ World Cup ៕

អត្ថបទទាក់ទង