ផ្លឹស-ខេអេក ញូវ

Man Utdសម្លឹងឃើញអ្នកជំនួសCristiano Ronaldoដែលកំពុងលេងឱ្យក្លិបអាល្លឺម៉ង់

កីឡា
January 2nd, 2023 (4 years)
Views: 535
Share

Manchester United ចង់ចុះហត្ថលេខាជាមួយខ្សែប្រយុទ្ធរបស់ក្លិប Borussia Monchengladbach កីឡាករ Marcus Thuram នៅក្នុងទីផ្សារដោះដូរកីឡាករក្នុងខែមករានេះ។ នេះបើតាមការចុះផ្សាយរបស់សារព័ត៌មានអាល្លឺម៉ង់ Bild ។

Man Utd កំពុងស្វែងរកខ្សែប្រយុទ្ធថ្មីម្នាក់ក្នុងខែនេះ បន្ទាប់ពីការចាកចេញរបស់ Cristiano Ronaldo កាលពីចុងខែវិច្ឆិកា និងបានចូលរួមជាមួយក្លិប Al Nassr នៅប្រទេសអារ៉ាប៊ីសាអ៊ូឌីត កាលពីពេលថ្មីៗនេះ។

United មានការពិបាកក្នុងការរកគ្រាប់បាល់ក្នុងរដូវកាលនេះ ហើយកំពុងត្រូវការយ៉ាងខ្លាំងក្នុងការពង្រឹងខ្សែប្រយុទ្ធរបស់ពួកគេ។ ក្រុមបិសាចក្រហម បានស៊ុតបញ្ចូលទីបានត្រឹមតែ 24 គ្រាប់ប៉ុណ្ណោះនៅក្នុងក្របខណ្ឌ Premier League នៅរដូវកាលនេះ។

Thuram ដែលមានអាយុ 25 ឆ្នាំ នឹងដាច់កុងត្រាពី Monchengladbach នៅចុងបញ្ចប់នៃរដូវកាលនេះ ហើយមិនទាន់បានចុះហត្ថលេខាលើកិច្ចព្រមព្រៀងថ្មីទេ មានន័យថាក្លិបអាល្លឺម៉ង់ គ្មានជម្រើសណាក្រៅពីអនុញ្ញាតឱ្យគេចាកចេញទៅក្លិបថ្មីឡើយ។ ប្រភពបន្តថា United អាចផ្តល់កិច្ចព្រមព្រៀមមួយក្នុងតម្លៃតិចជាង 11 លានផោន។

កីឡាករសញ្ជាតិបារាំងដែលបានបង្ហាញខ្លួនចំនួន 5 ដងសម្រាប់ក្រុមជម្រើសជាតិបារាំងនៅ World Cup បាន Assist 2 ដងនោះ បានបង្ហាញទម្រង់លេងយ៉ាងល្អសម្រាប់ Monchengladbach ក្នុងរដូវកាលនេះ ដោយស៊ុតបញ្ចូលទីបាន 13 គ្រាប់ និង Assist 4 ដង ក្នុងការបង្ហាញខ្លួនត្រឹមតែ 17 ប្រកួតប៉ុណ្ណោះ៕

អត្ថបទទាក់ទង