ផ្លឹស-ខេអេក ញូវ

បាល់ទះជម្រើសជាតិកម្ពុជា នឹងប៉ះ U19 បារាំងក្នុងការប្រកួតមិត្តភាពអន្តរជាតិ

កីឡា
January 12th, 2023 (2 years)
Views: 226
Share

ក្រុមបាល់ទះជម្រើសជាតិកម្ពុជា នឹងប្រកួតជាមួយក្រុមជម្រើសជាតិបារាំងអាយុក្រោម ១៩ឆ្នាំ នាពាក់កណ្ដាលខែកុម្ភៈខាងមុខនេះ ដើម្បីពង្រឹងសមត្ថភាពត្រៀមឆ្ពោះទៅកីឡាស៊ីហ្គេម លើកទី៣២ ឆ្នាំ២០២៣ នាខែឧសភាខាងមុខនេះដែលកម្ពុជាធ្វើជាម្ចាស់ផ្ទះ។

លោក អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានសារព័ត៌មានក្នុងស្រុកថា ជំនួបមិត្តភាពអន្ដរជាតិនេះ នឹងធ្វើឡើងនៅរាជធានីភ្នំពេញ តែពុំទាន់បានបញ្ជាក់ថ្ងៃកាលបរិច្ឆេទច្បាស់លាស់នោះទេ។

លោកក៏បានជួបពិភាក្សាជាមួយលោក Sokhary Chau អភិបាលក្រុង Lowell រដ្ឋ Massachusetts សហរដ្ឋអាមេរិក កាលពីថ្មីៗនេះ ដើម្បីបង្កភាពស្និទ្ធស្នាល និងសិក្សាពីគម្រោងអញ្ជើញក្រុមកីឡាករអាមេរិកមួយដើម្បីមកប្រកួតមិត្តភាពជាមួយក្រុមជម្រើសជាតិកម្ពុជាផងដែរ។ បន្ថែមពីនេះ លោកបានបង្ហើបពីគម្រោងរៀបចំពានរង្វាន់មិត្តភាពមួយ ដែលមានក្រុមជម្រើសជាតិកម្ពុជា សិង្ហបុរី និងម៉ាឡេស៊ី ចូលរួមប្រកួត៕

អត្ថបទទាក់ទង