ផ្លឹស-ខេអេក ញូវ

Manchester Unitd នឹងបាត់បង់ Casemiro សម្រាប់ការប្រកួតដ៏សំខាន់ជាមួយArsenal

កីឡា
January 19th, 2023 (4 years)
Views: 288
Share

លោក Erik ten Hag អ្នកចាត់ការទូទៅក្លិប Manchester United បានដាក់ឱ្យ Casemiro ចូលលេងក្នុងការប្រកួតទល់នឹង Crystal Palace កាលពីយប់មិញ ទោះបីជាដឹងថាខ្សែបម្រើរូបនេះកំពុងប្រឈមនឹងការព្យួរសម្រាប់ការប្រកួតបន្ទាប់ក៏ដោយ។

Casemiro នៅតែផ្នែកមួយដ៏សំខាន់នៅក្នុងការប្រកួតដែលបញ្ចប់ទៅដោយលទ្ធផល 1-1 រវាង Manchester United ជាមួយ Crystal Palace ។ គេបានទទួលការលឿង សម្រាប់កំហុសលើ Wilfried Zaha ក្នុងវគ្គទីពីរ ដែលធ្វើឱ្យ Casemiro នឹងអវត្តមានពីការប្រកួតទល់នឹង Arsenal កាលពីថ្ងៃអាទិត្យ ដោយសារមានកាតលឿងចំនួន 5 កាតនៅរដូវកាលនេះ។

កីឡាករប្រេស៊ីលរូបនេះ បានចាប់ផ្តើមនៅក្នុងការប្រកួត Premier League ចំនួន 12 ប្រកួតចុងក្រោយរបស់ United ហើយពួកគេបានឈ្នះ 8 ស្មើ 3 និងចាញ់តែមួយប៉ុណ្ណោះ។ អវត្តមានរបស់ Casemiro នឹងតម្រូវឱ្យលោក Ten Hag ត្រូវសម្រេចចិត្តរវាង Scott McTominay និង Fred ដើម្បីជំនួសកន្លែងរបស់ Casemiro នៅកីឡដ្ឋាន Emirates ។

គួរបញ្ជាក់ថា លទ្ធផលស្មើ បានធ្វើឱ្យ Manchester United ឡើងឈរនៅលេខ 3 លើស Newcastle United ចំនួន 1 ពិន្ទុ និងតាមពីក្រោយ Arsenal ដែលឈរលើកំពូលតារាង ចំនួន 8 ពិន្ទុ ខណៈក្រុមកាំភ្លើងធំ នៅសល់មួយប្រកួតក្នុងដៃ។

ការប្រកួតរវាង Manchester United ទល់នឹង Arsenal នឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN តែមួយគត់ នាថ្ងៃអាទិត្យ ទី 23 ខែមករា ឆ្នាំ 2023 ចាប់ពីម៉ោង 23:30 នាទីតទៅ៕

អត្ថបទទាក់ទង