ផ្លឹស-ខេអេក ញូវ

Man Utd កាន់តែកក់ក្ដៅក្នុងការឈានទៅវគ្គផ្ដាច់ព្រ័ត្រពានCarabao Cupក្រោយឈ្នះForest

កីឡា
January 26th, 2023 (2 years)
Views: 131
Share

ក្រុម Manchester United បានតែខិតជិតការប្រកួតវគ្គផ្តាច់ព្រ័ត្រពានរង្វាន់ Carabao Cup នៅកីឡដ្ឋាន Wembley នៅខែក្រោយ បន្ទាប់ពីទទួលជ័យជម្នះលើក្រុម Nottingham Forest ក្នុងលទ្ធផល 3-0 នៅជើងទីមួយ វគ្គពាក់កណ្ដាលផ្ដាច់ព្រ័ត្រ នៅកីឡដ្ឋាន City Ground របស់ក្រុមម្ចាស់ផ្ទះ កាលពីយប់មិញ។

គ្រាប់បាល់របស់ Marcus Rashford បានផ្តល់ការនាំមុខសម្រាប់ Man United ត្រឹមតែរយៈពេល 6 នាទី មុនពេលដែលខ្សែប្រយុទ្ធចំណូលថ្មី Wout Weghorst បានបន្ថែមគ្រាប់ទីពីរ នៅចុងវគ្គទីមួយ ជាមួយនឹងគ្រាប់បាល់ដំបូងរបស់គាត់សម្រាប់ក្លិប ហើយ Bruno Fernandes បានស៊ុតបញ្ចូលទីនៅចុងវគ្គទីពីរ។

កូនក្រុមរបស់លោក Erik ten Hag មានភាពកក់ក្ដៅចំពោះលទ្ធផលនេះ ខណៈការប្រកួតជើងទីពីរ នឹងប្រព្រឹត្តទៅនៅកីឡដ្ឋាន Old Trafford ក្នុងរយៈពេលប្រាំពីរថ្ងៃបន្ទាប់។ ក្រុមបិសាចក្រហម កំពុងស្វែងរកការឈ្នះពានរង្វាន់ណាមួយជាលើកដំបូង ចាប់តាំងពីឆ្នាំ 2017 ។

ចំណែកកូនក្រុមរបស់លោក Steve Cooper កំពុងស្វែងរកការឡើងទៅកាន់វគ្គផ្ដាច់ព្រ័ត្រជាលើកដំបូង ចាប់តាំងពីលោក Brian Clough បានដឹកនាំ Forest ឈានដល់វគ្គផ្តាច់ព្រ័ត្រតាំងពីឆ្នាំ 1992 ៕

អត្ថបទទាក់ទង