ផ្លឹស-ខេអេក ញូវ

ម្ចាស់ផ្ទះជួលដែលស្ត្រីម្នាក់ចោលសំរាមពាសពេញបន្ទប់ជះក្លិនស្អុយកំពុងរងពាក្យរិះគន់

សង្គម
January 31st, 2023 (3 years)
Views: 893
Share

ភ្នំពេញ៖ ស្ត្រីវ័យក្មេងម្នាក់ដែលត្រូវបានដឹងថាជាកម្មការនីរោងចក្រនៅតំបន់សេដ្ឋកិច្ចពិសេសបែកចាន កំពុងធ្វើឱ្យគ្រប់គ្នាភ្ញាក់ផ្អើលរកពាក្យនិយាយលែងត្រូវដោយសារការរស់នៅក្រោមគំនរសំរាមពាសពេញបន្ទប់ជួលរហូតជះក្លិនស្អុយដល់ក្រៅ។

ដោយសង្ស័យចំពោះក្លិនមិនល្អនោះ ម្ចាស់ផ្ទះជួលក៏បានចុះពិនិត្យ និងស្រឡាំងកាំងហួសចិត្តរកពាក្យនិយាយលែងចេញបន្ទាប់ពីឃើញសភាពហួសថ្លែងបែបនេះ។ យ៉ាងណាមិញ បន្ទាប់ពីវីដេអូនេះបានចែករំលែកឡើងលើបណ្តាញសង្គម មហាជនជាច្រើនក៏បានសម្តែងការហួសចិត្តចំពោះស្ត្រីរូបនោះផងដែរ ខណៈមហាជនមួយចំនួនទៀតក៏បានសម្តែងការមិនពេញចិត្តចំពោះម្ចាស់ផ្ទះដែលថតស្ត្រីរូបនោះចែកចាយជាសាធារណៈ។

វីដេអូមួយនេះដែរត្រូវបានមហាជនជាច្រើនបញ្ចេញមតិថា មនុស្សធម្មតាមិនអាចរស់នៅក្នុងសភាពបន្ទប់ស្មោគគ្រោកបែបនេះឡើយ ប៉ុន្តែអាចជាបញ្ហាផ្លូវចិត្តដែលបណ្តាលឱ្យស្ត្រីរូបនោះអាចរស់នៅក្នុងសភាពនោះបាន៕

អត្ថបទទាក់ទង