ផ្លឹស-ខេអេក ញូវ

Man UTD យកបានខ្សែបម្រើ Marcel Sabitzer ពី Bayern Munich ក្នុងលក្ខខណ្ឌខ្ចីជើង

កីឡា
February 1st, 2023 (2 years)
Views: 230
Share

ក្លិប Manchester United បានប្រកាសជាផ្លូវការអំពីការចុះហត្ថលេខានាំយកខ្សែបម្រើ Marcel Sabitzer ពីក្លិប Bayern Munich ក្នុងលក្ខខណ្ឌខ្ចីជើងរហូតដល់បញ្ចប់រដូវកាល។

Man UTD បានដាក់គោលដៅក្នុងការចង់បាន កីឡាករអូទ្រីសវ័យ២៨ឆ្នាំ ភ្លាមៗ បន្ទាប់ពីពួកគេបានជួបបញ្ហាធំគឺខ្សែបម្រើ Christian Eriksen បានរងរបួសកជើងត្រូវអវត្តមានពីទីលានយ៉ាងតិចណាស់ដល់ដើមខែឧសភា។

ដូច្នេះហើយទើប Man UTD ត្រូវការខ្សែបម្រើម្នាក់មកបំពេញកន្លែងរបស់ Eriksen ហើយ ពួកគេបានសម្រេចនាំយក Marcel Sabitzer ក្នុងលក្ខខណ្ឌខ្ចីជើងរហូតដល់បញ្ចប់រដូវកាល និងមិនមានភ្ជាប់ក្នុងលក្ខខណ្ឌទិញផ្តាច់ឡើយ។

សូមបញ្ជាក់ថា Marcel Sabitzer បានបង្ហាញខ្លួនចំនួន៥៤ដងនិងរកគ្រាប់បញ្ចូលទី២គ្រាប់ផងដែរ អោយក្លិប Bayern Munich ចាប់តាំងពីមកចូលរួមក្នុងខែសីហា ឆ្នាំ ២០២១ ពីក្លិបរួមលីគ RB Leipzig៕

អត្ថបទទាក់ទង