ផ្លឹស-ខេអេក ញូវ

លទ្ធផលមិនសូវល្អ តែគ្រូ Liverpool នៅតែមានទំនុកចិត្តលើភាពជាអ្នកដឹកនាំរបស់ខ្លួន

កីឡា
February 6th, 2023 (2 years)
Views: 136
Share

មួយរយៈចុងក្រោយក្នុងការប្រកួតនៅក្របខណ្ឌ Premier League រដូវកាលនេះ Liverpool ហាក់ទទួលលទ្ធផលមិនសូវល្អនោះទេ ប៉ុន្តែលោក Jurgen Klopp គ្រូបង្វឹកក្រុមរហស្សនាមហង្សក្រហម បានអះអាងថា លោកនៅតែមានទំនុកចិត្តលើភាពជាអ្នកដឹកនាំរបស់ខ្លួន។

Liverpool ទើបតែបានចាញ់នៅលើទឹកដី Wolverhampton Wanderers តាមរយៈលទ្ធផល ៣-០ ដែលបានធ្វើពួកគេធ្លាក់មកកាន់ចំណាត់ថ្នាក់លេខ ១០ នៃក្របខណ្ឌ Premier League បន្ទាប់ពីឆ្លងកាត់ការប្រកួតចំនួន ២០ ដងរកបាន ២៩ ពិន្ទុ។

ទោះបីជា Liverpool កំពុងតែមានទម្រង់ធ្លាក់ចុះក៏ដោយ ក៏លោក Klopp បាននិយាយថាវាមិនទាន់ហួសពេលនោះទេ ក្នុងការស្រោចស្រង់ក្រុមមួយនេះ ហើយលោកក៏បានបង្ហាញនៅការជឿជាក់លើភាពជាអ្នកដឹកនាំរបស់ខ្លួនដែរ។

លោកបាននិយាយប្រាប់អ្នកសារព័ត៌មានថា៖ “ខ្ញុំដឹងពីការងាររបស់ខ្ញុំ អ្នកដឹងពីការងាររបស់ខ្ញុំ វាមិនមែនជាការពន្យល់នៅទីនេះពីរបៀបដែលខ្ញុំអាចបង្កើតក្រុមរបស់ខ្ញុំបានទេ។ អ្នកបានវិនិច្ឆ័យថាខ្ញុំមិនល្អ ខ្ញុំទទួលស្គាល់តែខ្ញុំជឿជាក់ថាវាមិនមែនជាថ្ងៃចុងក្រោយនោះទេ។”

បរាជ័យនេះ បានក្លាយជាកំណត់ត្រាដ៏អាក្រក់មួយសម្រាប់លោក Jurgen Klopp ក្នុងការដឹកនាំក្រុម Liverpool នៅពាក់កណ្តាលរដូវកាល ចាប់តាំងពីលោកបានចូលមកដឹកនាំកាលពីឆ្នាំ២០១៥មក។ គិតត្រឹមដើមឆ្នាំ ២០២៣ លោក Klopp មិនទាន់ដឹកនាំ ក្រុម Liverpool បានឈ្នះមួយប្រកួតនៅឡើយទេ ក្នុងការប្រកួតនៅលីគកំពូលអង់គ្លេស៕

អត្ថបទទាក់ទង