ផ្លឹស-ខេអេក ញូវ

EPL Preview៖ Arsenalប៉ះBrentford ផ្សាយបន្តផ្ទាល់នៅ MyTVយប់នេះ

កីឡា
February 11th, 2023 (2 years)
Views: 158
Share

Arsenal អាចបន្តការនាំមុខរបស់ពួកគេនៅលើកំពូលតារាងនៃក្របខណ្ឌ Premier League រហូតដល់ទៅ ៨ ពិន្ទុ បើសិនជាទទួលជ័យជម្នះលើក្រុម Brentford នៅកីឡដ្ឋាន Emirates ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV តែមួយគត់ ចាប់ពីម៉ោង ១០:០០នាទីយប់នេះតទៅ។

ក្រុមកាំភ្លើងធំ បានត្រឡប់ពីការចាញ់ Everton កាលពីចុងសប្តាហ៍មុន ខណៈគូប្រជែង Tottenham បានយកឈ្នះលើក្រុម Manchester City ។ វាមានន័យថា ការមានប្រៀបរបស់ Arsenal នៅតែមាន ទោះបីជាពួកគេនៅសល់មួយប្រកួតក្នុងដៃក៏ដោយ។

Brentford មិនទាន់ស្គាល់ពាក្យថាចាញ់ក្នុងការប្រកួតក្របខណ្ឌ Premier League ចំនួន៩លើកចុងក្រោយរបស់ពួកគេ ដែលបានធ្វើឱ្យពួកគេប្រជែងកៅអីសម្រាប់កម្មវិធីប្រកួតពានរង្វាន់អឺរ៉ុប។

Arsenal នឹងគ្មាន Emile Smith Rowe, Gabriel Jesus និង Mohamed Elneny សម្រាប់ការប្រកួតទល់នឹង Brentford ។ ទោះជាយ៉ាងណាក៏ដោយ Reiss Nelson ជិតនឹងត្រលប់មកកាន់ទីលានប្រកួតវិញ។

Brentford ទំនងជាមិនទាន់មានកីឡាករ Pontus Jansson, Frank Onyeka និង Shandon Baptiste សម្រាប់ការប្រកួតនៅ Emirates នោះទេ។

នេះអាចជាជម្រើស១១នាក់ដំបូងរបស់ Arsenal ដែលអាចប្រើប្រាស់ទម្រង់ ៤-២-៣-១ ៖
Ramsdale; White, Saliba, Gabriel, Zinchenko; Xhaka, Partey; Saka, Odegaard, Martinelli; Nketiah

នេះអាចជាជម្រើស១១នាក់ដំបូងរបស់ Brentford ដែលអាចប្រើប្រាស់ទម្រង់ ៣-៥-២ ៖
Raya; Zanka, Pinnock, Mee; Roerslev, Dasilva, Norgaard, Jensen, Henry; Mbeumo, Toney

CBS Sport ទស្សន៍ទាយថាលទ្ធផលសម្រាប់ការប្រកួតរវាងក្រុមទាំងពីរគឺ៖ Arsenal ២-១ Brentford៕

អត្ថបទទាក់ទង