ផ្លឹស-ខេអេក ញូវ

ល្វតល្វន់ពន់ពេក “របាំគ្រុឌ” រាំដោយអ្នកស្រី ហ៊ុន ប៉ែន ស្រស់ស្អាតខ្លាំងមិនសរសើរមិនបាន (មានវីដេអូ)

សង្គម
February 27th, 2023 (4 years)
Views: 1,401
Share

ភ្នំពេញ៖ “របាំគ្រុឌ” ជាទម្រង់របាំសហសម័យខ្មែរដែលបានសិក្សាស្រាវជ្រាវ និងបង្កើតឡើងដោយអ្នកស្រី ហ៊ុន ប៉ែន ដែលជានាដការីដ៏ឆ្នើមបានទម្រង់បង្កើតថ្មី បំបែកចេញពីលក្ខណៈមូលដ្ឋានរបាំក្បាច់ខ្មែរពីសម័យមុន ទាំងបច្ចេកទេស គតិបណ្ឌិត និងទស្សនៈ ដោយរក្សាទុកនូវអត្តសញ្ញាណ និងបុគ្គលិកលក្ខណៈខ្មែរនាសម័យទំនើប។

“របាំគ្រុឌ” ជាទម្រង់សហសម័យខ្មែរនេះ សម្ដែងអំពីឥទ្ធិពល និងអំណាចរបស់តួអង្គគ្រុឌ ដែលប្រើប្រាស់ស្លាបរបស់នាងសម្រាប់បង្ហាញពីសេរីភាព ភ្នែកសម្រាប់ទស្សនៈវិស័យខ្ពស់ ព្រហ្មវិហារធម៌ និងក្តីស្រឡាញ់។ ដងខ្លួនសម្រាប់ឥរិយាបថពត់ពេនប្រកបដោយភាពទំនើប និងទន់ភ្លន់ រីឯជើង និងកំភួនជើង គឺសម្រាប់អំណាច សេចក្តីក្លាហាន ការប្តេជ្ញា និងការតស៊ូដ៏មុះមុត។

អង្គសំខាន់ទាំង៤រួមផ្សំចូលគ្នាបានបង្កើតនូវភាពជឿជាក់ដ៏មុះមុត និងភាពម្ចាស់ការឯករាជ្យមួយរបស់នាង។ នាងរាំពោរពេញដោយថាមពលដល់កំពូលនៃការប្តេជ្ញាតស៊ូ ភាពក្លាហាន សេចក្តីស្រលាញ់ប្រកបដោយព្រហ្មវិហារធម៌ និងភាពសប្បាយរីករាយ នៅពេលដែលនាងបានរកឃើញ និងតស៊ូយកបានត្រឡប់មកវិញនូវអត្តសញ្ញាណផ្ទាល់ខ្លួន សេរីភាព សេចក្តីស្រឡាញ់ ភាពជឿជាក់ និងភាពម្ចាស់ការលើខ្លួនឯង។

របាំមួយនេះ ត្រូវបានអ្នកនិយមលេងបណ្តាញសង្គមលាន់មាត់សរសើរគ្រប់គ្នាពីកាយវិការដ៏រស់រវើកបានទស្សនាហើយពិតជាជក់ចិត្តដិតអារម្មណ៍ជាពន់ពេក។ ចង់ដឹងថា “របាំគ្រុឌ” រាំដោយអ្នកស្រី ហ៊ុន ប៉ែន គួរឱ្យចាប់អារម្មណ៍ដល់កម្រិតណា តោះទៅទស្សនាវីដេអូទាំងអស់គ្នា៕

ទស្សនាវីដេអូខាងក្រោម៖

អត្ថបទទាក់ទង