ផ្លឹស-ខេអេក ញូវ

Man UTD និង Crystal Palace រងការផាកពិន័យពី FA

កីឡា
March 1st, 2023 (2 years)
Views: 285
Share

Man UTD និង Crystal Palace ត្រូវបានសមាគមបាល់ទាត់អង់គ្លេស FA ដាក់ពិន័យ និងតម្រូវឱ្យបង់ប្រាក់ប្រមាណ៥៥០០០ផោន ព្រោះកីឡាករក្រុមទាំង២ប៉ះទង្គិចគ្នាកាលពីពេលកន្លងទៅ។

បញ្ហាប្រទាំងប្រទើសគ្នា រវាងកីឡាករទាំង២ក្រុម បានកើតឡើងនៅពេលប្រកួតវគ្គទី២កាលពីថ្ងៃទី៤ ខែកុម្ភៈ។ កាលនោះ Man UTD ដែលជាម្ចាស់ផ្ទះ បានយកឈ្នះក្រុមភ្ញៀវ Crystal Palace ដោយលទ្ធផល ២-១។ Casemiro ត្រូវអាជ្ញាកណ្ដាលពិន័យកាតក្រហម បន្ទាប់ពីរូបគេយកប្រអប់ដៃទៅច្របាច់បំពង់ករបស់ Will Hughes របស់ Crystal Palace ។

អំឡុងការប្រកួតកីឡាករទាំង២ក្រុមរុញច្រានគ្នាទៅវិញទៅមក។ Man UTD ទទួលស្គាល់ថាកីឡាកររបស់ខ្លួនប្រព្រឹត្តទង្វើខុសឆ្គង រហូតដល់ទប់ចិត្តមិនបាន ក៏មានការប៉ះទង្គិចគ្នា។

យ៉ាងណាមិញ ក្រុម Crystal Palace យល់ថានេះជារឿងមិនយុត្តិធម៌សម្រាប់ខ្លួន ហើយពួកគេបានប្រកែកតវ៉ាមិនព្រមទទួលការពិន័យនេះទេ។

ទោះជាយ៉ាងណាក្ដី សមាគមបាល់ទាត់អង់គ្លេសរកឃើញថាការសម្រេចដាក់ពិន័យទៅលើក្រុម Crystal Palace ជារឿងសមហេតុផល។ ការដាក់ពិន័យនេះមិនមែនធ្វើឡើងតែទៅលើក្រុមម្ខាងនោះទេ គឺពិន័យទាំង២ក្រុម។

បច្ចុប្បន្ន Man UTD ឈរនៅចំណាត់ថ្នាក់ទី៣នៃក្របខណ្ឌ Premier League ខណៈ Crystal Palace នៅឈរលេខ១២ ក្រោយឆ្លងកាត់២៤ប្រកួតដូចគ្នា៕

អត្ថបទទាក់ទង