ផ្លឹស-ខេអេក ញូវ

គ្រូថ្មីរបស់ក្រុមជម្រើសជាតិចិន ដាក់គោលដៅឆ្លងទៅជុំផ្ដាច់ព្រ័ត្រ FIFA World Cup 2026

កីឡា
March 2nd, 2023 (2 years)
Views: 293
Share

លោក Aleksandar Jankovic ដែលជាគ្រូបង្វឹកថ្មីរបស់ក្រុមជម្រើសជាតិចិន បានដាក់គោលដៅដើម្បីដឹកនាំក្រុមតំណាងទ្វីបអាស៊ីមួយនេះ ឆ្លងដល់ជុំផ្ដាច់ព្រ័ត្រ FIFA World Cup 2026 ។

ក្រុមជម្រើសជាតិចិន បានចូលលេង World Cup តែម្តងគត់ក្នុងឆ្នាំ២០០២ នៅពេលដែលពួកគេ បានចាញ់ការប្រកួតក្នុងពូលទាំង៣របស់ពួកគេ ហើយមិនអាចរកគ្រាប់បាល់បានមួយគ្រាប់ឡើយ។

ការប្រកួតបាល់ទាត់ពិភពលោកនៅឆ្នាំ២០២៦ ដែលនឹងធ្វើឡើងនៅសហរដ្ឋអាមេរិក ប្រទេសម៉ិកស៊ិក និងកាណាដា នឹងក្លាយជាការប្រកួតលើកដំបូងដែលមាន ៤៨ ក្រុមចូលរួម ដោយមានយ៉ាងហោចណាស់ ៨ ប្រទេសមកពីសហព័ន្ធកីឡាបាល់ទាត់ទ្វីបអាស៊ី។

លោក Jankovic ដែលត្រូវបានតែងតាំងកាលពីសប្តាហ៍មុន នឹងដឹកនាំក្រុមចិនសម្រាប់ព្រឹត្តិការណ៍ AFC Asian Cup នៅឆ្នាំក្រោយ និងវគ្គជម្រុះ World Cup ។

គ្រូបង្វឹកសញ្ជាតិស៊ែបរូបនេះ បាននិយាយថា៖ “គោលដៅធំរបស់យើងគឺការឡើងទៅលេងនៅព្រឹត្តិការណ៍ FIFA World Cup 2026 ហើយក្រុមជម្រើសជាតិចិនត្រូវតែបានលេង”៕

អត្ថបទទាក់ទង