×

ពិធីក្រុងពាលីដើម្បីសុំភ្លើងព្រះអាទិទេពសម្រាប់កីឡាស៊ីហ្គេម ត្រូវបានធ្វើឡើងនាព្រឹកនេះនៅបរិវេណប្រាសាទអង្គរវត្ត

នាព្រឹកថ្ងៃទី២០ ខែមីនា ឆ្នាំ២០២៣នេះ នារាជធានីអង្គរ បានរៀបចំពិធីក្រុងពាលី ដើម្បីសុំភ្លើងព្រះទិទេព ដែលជាព្រះអគ្គីកីឡា ដើម្បីធ្វើពិធីដង្ហែទៅកាន់បណ្តាប្រទេសក្នុងតំបន់អាស៊ាន ក្នុងការទទួលស្វាគមន៍ ការធ្វើជាម្ចាស់ផ្ទះព្រឹត្តការណ៍កីឡាស៊ីហ្គេម និងអាស៊ានប៉ារ៉ាហ្គេម នៅព្រះរាជាណាចក្រកម្ពុជា នាឆ្នាំ២០២៣នេះ។

ក្រោយពិធីក្រុងពាលីរួចរាល់ នាព្រឹកថ្ងៃស្អែក អង្គព្រះមហាក្សត្រ នរោត្តម សីហមុនី ទ្រង់នឹងយាងជា រាជាធិបតីភាពដ៏ខ្ពង់ខ្ពស់ រៀបចំព្រះរាជពិធីសុំភ្លើងព្រះអាទិទេព និងយាងប្រគល់ភ្លើងគប់កីឡា ជូនដល់គណៈកម្មាការរៀបចំពិធីដង្ហែភ្លើងគប់ រត់ជុំវិញវង់ធំក្នុងបរិវេណប្រាសាទអង្គរវត្ត។ បន្ទាប់មកព្រះអគ្គីកីឡា នឹងដង្ហែតាមយន្តហោះពិសេស ឆ្ពោះទៅបណ្តាប្រទេសជាសមាជិកអាស៊ីអាគ្នេយ៍ ដើម្បីស្វាគមន៍ការទៅដល់នៃភ្លើងគប់កីឡាស៊ីហ្គេមនៃព្រះរាជាណាចក្រកម្ពុជា ដែលធ្វើជាម្ចាស់ផ្ទះ៕

អ្នកអាចចែករំលែកដោយ៖

អត្ថបទទាក់ទង