ផ្លឹស-ខេអេក ញូវ

ព្យាករណ៍៖ក្រូអាតប៉ះវែលស៍ វគ្គជម្រុះEuro2024 ផ្សាយបន្តផ្ទាល់ផ្ដាច់មុខនៅCTN និង Page “CBS Sports”រាត្រីនេះ

កីឡា
March 25th, 2023 (4 years)
Views: 468
Share

ក្រុមបាល់ទាត់ជម្រើសជាតិវែលស៍ នឹងគ្មានខ្សែប្រយុទ្ធ Gareth Bale ដែលបានចូលនិវត្តន៍ នៅពេលដែលពួកគេធ្វើដំណើរទៅសួរសុខទុក្ខក្រុមចំណាត់ថ្នាក់លេខ៣ World Cup ក្រូអាត ក្នុងការប្រកួតវគ្គជម្រុះ Euro 2024 ដែលមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN និង FB Page “CBS Sports” វេលាម៉ោង ២:៣៥ នាទីរំលងអធ្រាត្រយប់នេះ។

ក្រូអាត និងវែលស៍ ស្ថិតក្នុងពូល D ជាមួយតួកគី អាមេនី និងឡាតវី។ វត្តមានរបស់កីឡាករជើងចាស់ Luka Modric និង Ivan Perisic នៅតែមានសម្រាប់ក្រុមក្រូអាត ប៉ុន្តែ Dejan Lovren បានប្រកាសពីការចូលនិវត្តន៍ដូចជា Bale ក្រោយ World Cup ផងដែរ។

អវត្តមានរបស់ Lovren នឹងផ្ដល់ឱកាសសម្រាប់ Josip Sutalo សម្រាប់តំណែងនៅតំបន់ការពារកណ្តាលជាមួយនឹង Josko Gvardiol ។ សមាជិក១១នាក់ភាគច្រើនរបស់ក្រុមក្រូអាតដែលលេង World Cup នៅវគ្គពាក់កណ្តាលផ្តាច់ព្រ័ត្រទល់នឹងអាហ្សង់ទីន ត្រូវបានរំពឹងថានឹងអាចចាប់ផ្តើមក្នុងការប្រកួតនេះ។

Wayne Hennessey និង Ben Davies បានដកខ្លួនចេញពីក្រុមវែលស៍។ វែលស៍អាចនឹងប្រើប្រាស់ទម្រង់បម្រើ ៥ ។ ហើយ Daniel James ទំនងជានឹងចាប់ដៃគូជាមួយ Kieffer Moore ប៉ុន្តែ Brennan Johnson ត្រូវបានបញ្ជាក់ថាមានរបួស។

ប្រវត្តិជួបគ្នា៥ប្រកួតចុងក្រោយ គឺក្រូអាតបានយកឈ្នះ ៤ដង និងស្មើ១ដង។ ក្រូអាតស៊ុតបញ្ចូលទីមិនលើសពី២គ្រាប់ឡើយ ក្នុងជ័យជម្នះទាំងនោះ។ ការប្រកួតចុងក្រោយស្មើគ្នា ១-១ ។

នេះអាចជាជម្រើស១១នាក់ដំបូងរបស់ក្រូអាតដែលអាចប្រើប្រាស់ទម្រង់ ៤-៣-៣ ៖

Livakovic; Juranovic, Sutalo, Gvardiol, Sosa; Modric, Brozovic, Kovacic; Vlasic, Kramaric, Perisic

នេះអាចជាជម្រើស១១នាក់ដំបូងរបស់វែលស៍ដែលអាចប្រើប្រាស់ទម្រង់ ៣-៥-២ ៖

Ward; Mepham, Rodon, Cabango; Roberts, Ramsey, Ampadu, Wilson, Williams; James, Moore

ការទស្សន៍ទាយលទ្ធផលរបស់ CBS Sports សម្រាប់ការប្រកួតនេះគឺ៖ ក្រូអាត ១-០ វែលស៍ ៕

អត្ថបទទាក់ទង