ផ្លឹស-ខេអេក ញូវ

Real Madrid បង្កើនការចាប់អារម្មណ៍លើ Paulo Dybala របស់ AS Roma

កីឡា
April 4th, 2023 (2 years)
Views: 197
Share

ក្លិប Real Madrid កំពុងស្វែងរកជម្រើសផ្សេងទៀតនៅក្នុងតំបន់ប្រយុទ្ធដើម្បីមកជួយក្រុមនៅក្នុងទីផ្សាររដូវក្ដៅខាងមុខ ខណៈកាយសម្បទារបស់ខ្សែប្រយុទ្ធ Karim Benzema បានប្រឈមនឹងបញ្ហា នៅក្នុងប្រកួតភាគច្រើននារដូវកាលនេះ។

ខ្សែប្រយុទ្ធ Alvaro Rodriguez នឹងត្រូវបានដំឡើងមកកាន់ក្រុមធំ នៅរដូវកាលបន្ទាប់ ប៉ុន្ដែ យុវជនអ៊ុយរុយហ្គាយរូបនេះ ទំនងមិនមានសមត្ថភាពគ្រប់គ្រាន់ ក្នុងការជំនួសកន្លែងរបស់ Benzema នៅពេលដែលកីឡាករបារាំងរូបនេះ មិនអាចលេងបាន។

ដូច្នេះហើយ ទើប Real Madrid បានបង្កើនការចាប់អារម្មណ៍ទៅលើគោលដៅថ្មីនោះគឺខ្សែប្រយុទ្ធ Paulo Dybala របស់ AS Roma។

Dybala ទើបតែរួមចំណែកជួយក្រុមអាហ្សង់ទីន ឈ្នះជើងឯក World Cup 2022 ហើយរូបគេបានបង្ហាញសមត្ថភាពយ៉ាងល្អសម្រាប់ក្លិបAS Romaក្រោមការដឹកនាំដោយគ្រូបង្វឹក Jose Mourinho។

មានការជឿថា Paulo Dybala មានតម្លៃផ្ទេរតែប្រមាណ ១២លានអឺរ៉ូប៉ុណ្ណោះ ដែលធ្វើឱ្យក្លិបជាច្រើនចង់បាន ដែលក្នុងចំណោមនោះក៏មាន Real Madrid ផងដែរ៕

អត្ថបទទាក់ទង