ផ្លឹស-ខេអេក ញូវ

Man UTD រងពិន័យពី FA ករណីកីឡាករខ្លួនចោមរោមអាជ្ញាកណ្តាល

កីឡា
April 7th, 2023 (2 years)
Views: 269
Share

Man UTD ត្រូវបានសមាគមបាល់ទាត់អង់គ្លេស FA ពិន័យជាទឹកប្រាក់ប្រមាណ ៦៥០០០ផោន ករណីមិនអាចគ្រប់គ្រងកីឡាករខ្លួនបាន ដោយបណ្តោយឱ្យពួកគេចោមរោមតវ៉ាអាជ្ញាកណ្តាលអំឡុងការប្រកួតវគ្គ៨ក្រុមចុងក្រោយពានរង្វាន់ FA Cup ទល់នឹង Fulham ។

រឿងរ៉ាវបានកើតឡើង ពេលការប្រកួតនាទីលាន Old Trafford កាលពីថ្ងៃទី១៩ ខែមីនា បានដំណើរការដល់នាទី៧០ ដោយ Man UTD ត្រូវបានគូប្រជែងនាំមុនមុន ១-០ ហើយ Jadon Sancho មានឱកាសដើម្បីតាមស្មើ។ គេបានស៊ុតផុតអ្នកចាំទី Bernd Leno តែបានប៉ះដៃ Willian ។ ក្នុងនោះមានការចោមរោមតវ៉ាពីកីឡាករ Man UTD ទៅកាន់អាជ្ញាកណ្តាលលោក Christopher Kavanagh ។ ក្រោមមកអាជ្ញាកណ្តាលបានពិគ្រោះជាមួយ VAR និងបានសម្រេចផ្តល់កាតក្រហម ដល់ Willian ហើយ Man UTD ទទួលបានបាល់ពិន័យ។

យ៉ាងណា អំឡុងភាពរញ៉េរញ៉ៃនោះ កីឡាករ Man UTD បានចូលរួមបង្កើនហេតុការណ៍ ដែលធ្វើឱ្យ FA បានចាត់ទុកជាការបំពានទៅលើមន្ត្រីអាជ្ញាកណ្តាល និងបានសម្រេចដាក់ពិន័យជាទឹកប្រាក់ទៅលើពួកគេតែម្តង។

ការពិន័យនេះបានធ្វើឱ្យ Man UTD វ៉ាហួស Arsenal ក្លាយជាក្រុមដែលរងពិន័យទឹកប្រាក់ច្រើនជាងគេនៅរដូវកាលនេះ គឺប្រមាណ ២០ម៉ឺនផោនមកហើយ។

ដោយឡែក សម្រាប់ការប្រកួតនោះគឺ Man UTD ឈ្នះ Fulham ដោយលទ្ធផល ៣-១។ Man UTD នឹងបន្តឡើងវគ្គ៤ក្រុមចុងក្រោយ ពានរង្វាន់ FA Cup ដោយត្រូវប៉ះក្រុម Brighton នៅថ្ងៃទី ២៣ ខែមេសា ខាងមុខ៕

អត្ថបទទាក់ទង