ផ្លឹស-ខេអេក ញូវ

កីឡាករន័រវែស Casper Ruud ឈ្នះជើងឯកការប្រកួតវាយកូនបាល់កម្មវិធី Estoril Open 2023

កីឡា
April 10th, 2023 (4 years)
Views: 335
Share

ការប្រកួតវាយកូនបាល់កម្រិត ATP Tour 250 ទីលានដីឥដ្ឋ កម្មវិធី Estoril Open 2023 បានរកឃើញតំណែងជើងឯកហើយ ក្រោយពីដំណើរការរយៈពេល ១សប្តាហ៍កន្លងមក នាទីក្រុង Cascais ប្រទេសព័រទុយហ្គាល់។

ជាក់ស្តែង អ្នកដែលយកបានតំណែងកិត្តិយសនេះគឺកីឡាករន័រវែស Casper Ruud បន្ទាប់ពីរូបគេបានយកឈ្នះកីឡាករស៊ែប Miomir Kecmanović នៅក្នុងការប្រកួតវគ្គផ្តាច់ព្រ័ត្រ កាលពីថ្ងៃអាទិត្យម្សិលមិញ តាមរយៈលទ្ធផល 6-2 និង 7-6 ចាយពេលអស់ជាង ១ម៉ោង ៤៨នាទី។
នេះគឺជាការឈ្នះពានរង្វាន់ជាលើកដំបូងក្នុងការប្រកួតឆ្នាំ២០២៣ របស់កីឡាករ Casper Ruud និងជាពានរង្វាន់ទី១០ក្នុងអាជីពរបស់គេផងដែរ។

សូមបញ្ជាក់ថា កម្មវិធី Estoril Open បានដំណើរការជាលើកដំបូងក្នុងឆ្នាំ២០១៥ ដោយគិតមកទល់ពេលនេះ វាជាការដំណើរការលើកទី៧ហើយ។ សម្រាប់ប្រាក់រង្វាន់នៃកម្មវិធីមានប្រមាណ ៦១ម៉ឺនដុល្លារអាមេរិក៕

អត្ថបទទាក់ទង