ផ្លឹស-ខេអេក ញូវ

អត្តពលិកកម្ពុជាចំនួន៣១៧នាក់ ត្រៀមខ្លួនរួចជាស្រេចដើម្បីដណ្ដើមមេដាយពីព្រឹត្តិការណ៍កីឡាអាស៊ានប៉ារ៉ាហ្គេម២០២៣

កីឡា
May 19th, 2023 (2 years)
Views: 247
Share

ព្រឹត្តិការណ៍អាស៊ានប៉ារ៉ាហ្គេមលើកទី១២ ឆ្នាំ២០២៣ នឹងចាប់ផ្តើមនាពេលដ៏ខ្លីខាងមុខលើទឹកដីនៃព្រះរាជាណាចក្រកម្ពុជា ស្របពេលដែលក្រុមអត្តពលិកកម្ពុជា បានត្រៀមខ្លួនរួចរាលហើយ នៅក្នុងការប្រកួតដើម្បីដណ្ដើមយកមេដាយជូនជាតិ។

ព្រឹត្តិការណ៍អាស៊ានប៉ារ៉ាហ្គេម តែងតែកើតឡើងក្រោយព្រឹត្តិការណ៍កីឡាស៊ីហ្គេម។ បន្ទាប់ពីទទួលបានជោគជ័យយ៉ាងត្រចះត្រចង់ក្នុងការរៀបចំព្រឹត្តិការណ៍ស៊ីហ្គេមលើកទី៣២ ដែលទើបតែបញ្ចប់កាលពីថ្ងៃទី១៧ឧសភា, កម្ពុជាបានសម្លឹងទៅកាន់ព្រឹត្តិការណ៍កីឡាអាស៊ានប៉ារ៉ាហ្គេម ដើម្បីត្រៀមទទួលអត្តពលិកមកពីបណ្ដាប្រទេសអាស៊ីអាគ្នេយ៍ប្រកបដោយភាពកក់ក្ដៅ។

សូមជម្រាបថា ព្រឹត្តិការណ៍ការប្រកួតកីឡាអាស៊ានប៉ារ៉ាហ្គេមលើកទី១២នេះ មានការចូលរួមពីបណ្តាប្រទេសដូចជា ព្រុយណេ ឥណ្ឌូណេស៊ី ឡាវ ម៉ាឡេស៊ី ហ្វីលីពីន សិង្ហបុរី ថៃ វៀតណាម ទីម័រខាងកើត និងប្រទេសកម្ពុជា ជាម្ចាស់ផ្ទះ ដែលមានកីឡាករ កីឡាការិនី ចូលរួមសរុប ១.៤២៣ នាក់ លើវិញ្ញាសា ១៦០ ក្នុង ១៤ ប្រភេទកីឡា។

កីឡាករ-កីឡាការិនីកម្ពុជា ចំនួន ៣១៧ នាក់ បានត្រៀមខ្លួនរួចជាស្រេចដើម្បីចូលរួមប្រកួតដណ្តើមមេដាយជូនជាតិមាតុភូមិយើងផងដែរ។ ព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ នឹងប្រព្រឹត្តទៅចាប់ពីថ្ងៃទី៣ ដល់ ៩ ខែមិថុនា ឆ្នាំ២០២៣៕

អត្ថបទទាក់ទង