ផ្លឹស-ខេអេក ញូវ

កីឡាកររុស្ស៊ី Daniil Medvedev យកបានតំណែងជើងឯកការប្រកួតវាយកូនបាល់កម្មវិធី Italian Open 2023

កីឡា
May 22nd, 2023 (2 years)
Views: 203
Share

ការប្រកួតវាយកូនបាល់កម្រិត ATP Tour Masters 1000 ទីលានដីឥដ្ឋ កម្មវិធី Italian Open 2023 បានបញ្ចប់រួចរាល់ហើយ បន្ទាប់ពីដំណើរការរយៈពេល២សប្តាហ៍កន្លងមក នាទីក្រុង Rome ប្រទេសអ៊ីតាលី។

ជាក់ស្តែង គេក៏បានរកឃើញអ្នកឈ្នះជើងឯក នៃកម្មវិធីផងដែរ នោះគឺកីឡាករដែលកំពុងឈរលេខ៣ពិភពលោក មកពីរុស្ស៊ី Daniil Medvedev ដោយរូបគេបានយកឈ្នះកីឡាករដាណឺម៉ាក Holger Rune នៅក្នុងការប្រកួតវគ្គផ្តាច់ព្រ័ត្រ តាមរយៈលទ្ធផលស្ទួនគ្នា 7-5 និង 7-5។

នេះគឺជាលើកទី១ដែល Daniil Medvedev បានឈ្នះពានរង្វាន់ Italian Open ហើយក៏ជាលើកទី១ នៅក្នុងអាជីពដែលរូបគេបានឈ្នះជើងឯកការប្រកួតនៅលើទីលានដីឥដ្ឋ។

សូមបញ្ជាក់ថា ការប្រកួតវាយកូនបាល់កម្មវិធី Italian Open ឆ្នាំ២០២៣ គឺជាការដំណើរការ លើកទី៨០ នៅក្នុងប្រវត្តិសាស្ត្រ ហើយសម្រាប់តំណែងជើងឯកនៃកម្មវិធីនឹងទទួលបានប្រាក់រង្វាន់ប្រមាណ ១លាន ១សែនដុល្លារឯណោះ៕

អត្ថបទទាក់ទង