ផ្លឹស-ខេអេក ញូវ

តោះ អ្នកស្រុកមោងឫស្សី! ដាក់ពាក្យប្រឡងចម្រៀងដណ្តើមប្រាក់រង្វាន់រហូតដល់ ១០លានរៀលរួមជាមួយរង្វាន់លើកទឹកចិត្ត

សង្គម
May 23rd, 2023 (1 year)
Views: 501
Share

បាត់ដំបង៖ ឱកាសល្អសម្រាប់អ្នកស្រុកមោងឫស្សី ខេត្តបាត់ដំបងដែលមានទេពកោសល្យវិស័យចម្រៀងបានមកដល់ហើយជាមួយនឹង “កម្មវិធីប្រទ្បងចម្រៀងសម្លេងមាស ស្រុកមោងឫស្សី ឆ្នាំ២០២៣” ដែលក្រុមការងារចុះជួយស្រុកមោងឫស្សី មានកិត្តិយសជម្រាបជូនបងប្អូនប្រជាពលរដ្ឋនៅទូទំាងស្រុកមោងឫស្សី ពិសេស បងប្អូនជាយុវជន-យុវនារី ថាក្រុមការងារសហការជាមួយរដ្ឋបាលស្រុកមោងឫស្សី នឹងរៀបចំ “កម្មវិធីប្រទ្បងចម្រៀងសម្លេងមាស ស្រុកមោងឫស្សី ឆ្នាំ២០២៣” ដើម្បីផ្តល់ឱកាសដល់បងប្អូនប្រជាពលរដ្ឋនៃស្រុកមោងឫស្សី ដែលមានទេពកោសល្យល្អផ្នែកចម្រៀង អាចបញ្ចេញសមត្ថភាព និងចូលរួមប្រទ្បងប្រជែងយករង្វាន់ជាច្រើនពីកម្មវិធី។

លក្ខខណ្ឌនៃការចូលរួម៖
– ត្រូវមានអាយុ ចាប់ពី ១៥ឆ្នាំ ដល់ ៣៥ឆ្នាំ
– ត្រូវជាអ្នកដែលមានស្រុកកំណើត ឬទីលំនៅក្នុងស្រុកមោងឫស្សី
– មិនមែនជាតារាចម្រៀងអាជីព
– ត្រូវដាក់ពាក្យសុំចូលរួមតាមប្រព័ន្ធតេទ្បេក្រាម ឬតាមទំព័រ Facebook “ក្រុមការងារស្រុកមោងឫស្សី”

កម្មវិធីប្រឡងនេះដែរនឹងចាប់ផ្តើមទទួលពាក្យសុំចូលរួមចាប់ពីថ្ងៃនេះតទៅ រហូតដល់ថ្ងៃពុធ ទី៣១ ខែឧសភា ឆ្នាំ២០២៣។ អ្វីដែលកាន់តែពិសេសនោះគឺ សម្រាប់អ្នកទទួលបានជ័យលាភីនឹងទទួលបានប្រាក់រង្វាន់ផងដែរក្នុងនោះ៖
១. ជ័យលាភីលេខ១ ទទួលបានប្រាក់រង្វាន់ ១០លានរៀល រួមជាមួយពានរង្វាន់ និងទូរស័ព្ទមួយគ្រឿង
២. ជ័យលាភីលេខ២ ទទួលបានប្រាក់រង្វាន់ ៥លានរៀល រួមជាមួយ TABLET ១គ្រឿង
៣. ជ័យលាភីលេខ៣ ទទួលបានប្រាក់រង្វាន់ ៣លានរៀល រួមជាមួយរង្វាន់លើកទឹកចិត្ត

គួរបញ្ជាក់ដែរថា ក្រៅពីការប្រឡងចម្រៀងនេះហើយ ពីមុននៅក្នុងស្រុកមោងឫស្សី ក៏ធ្លាប់បានរៀបចំការប្រកួតបាល់ទាត់ បាល់ទះ ដែលមានការចូលរួមពីសិស្សានុសិស្ស និងយុវជនយ៉ាងច្រើនកុះករផងដែរ ដើម្បីបង្ហាញពីសាមគ្គីភាព មិត្តភាព នៃបងប្អូនប្រជាពលរដ្ឋក្នុងស្រុកទាំងមូលផងដែរ៕

អត្ថបទទាក់ទង