ព័ត៌មានថ្មី
- 📲 ត្រឹមតែមួយប៉ព្រិចភ្នែក! ស្កេន QR Code ចុះឈ្មោះភ្លាម ក្លាយជាបេក្ខជនក្នុងកម្មវិធីលំដាប់ពិភពលោកភ្លែត! ក្មេងៗអាយុ ៨-១៣ ឆ្នាំ រួសរាន់ដាក់ពាក្យឥឡូវនេះ! 🍳✨
- ថ្ងៃអាទិត្យនេះ អាលីសា នឹងមកបញ្ចេញស្នាដៃធ្វើម្ហូបពិសេស ដឹងតែប្លែកមាត់ ប្លែកអារម្មណ៍ហ្មងជាមួយកម្មវិធី Cook & Chill by Cambodia Premium!
- យប់ថ្ងៃអាទិត្យនេះ Cook & Chill មានរឿងរ៉ាវដ៏កក់ក្ដៅចង់ចែករំលែក ក្នុងឱកាសទិវាសិទ្ធិនារី! 💐✨
- ចង់ដឹងអត់ថា បូរ៉ា MasterChef យកក្រូចថ្លុងមកច្នៃជាម្ហូបអីខ្លះក្នុងកម្មវិធី Cook & Chill នៅថ្ងៃអាទិត្យសប្ដាហ៍នេះ? 🍊🍽
- ឧកញ៉ា គិត ស៊ូឡា បរិច្ចាគថវិកាជាង ១,៥ លានដុល្លារ ជូនកាកបាទក្រហមកម្ពុជា សម្រាប់ទិវា ៨ ឧសភា ២០២៦
Cristiano Ronaldo ស៊ុតឱ្យ Al-Nassr វាយបកឈ្នះ Al-Shabab ពន្យារការលើកពានរបស់ក្រុម Al-Ittihad
- កីឡា
- May 24th, 2023 (3 years)
ខ្សែប្រយុទ្ធ Cristiano Ronaldo បានផ្តល់ភាពរីករាយដល់ក្រុម Al-Nassr វិញតាមរយៈការស៊ុតបញ្ចូលទីជួយក្រុមវាយបកយកឈ្នះក្រុមភ្ញៀវ Al-Shabab ដោយលទ្ធផល ៣-២ ក្នុងជំនួបក្របខណ្ឌ Saudi Pro League ។
ការប្រកួតលើទីលាន Al-Awwal Park នោះគឺក្រុម Al-Shabab បាននាំមុខ២គ្រាប់មុន ដោយការស៊ុតបាល់ពិន័យ១១ម៉ែត្ររបស់កីឡាករ Cristian Guanca នៅនាទី២៥ និង ការររកគ្រាប់បញ្ចូលទីម្តងទៀតនៅនាទី៤០។ ប៉ុន្តែ មុនចប់វគ្គទី១ កីឡាករ Talisca បានតាម១គ្រាប់ឱ្យ Al-Nassr។
នៅវគ្គទី២ នាទី៥១ កីឡាករ Abdulrahman Ghareeb បានតាមរកគ្រាប់បាល់សងស្មើសម្រាប់ក្រុមម្ចាស់ផ្ទះ នៅមុនពេលដែល Cristiano Ronaldo បានស៊ុតបញ្ចូលទីនៅនាទី ៥៩ ដើម្បីនាំយកជ័យជម្នះមកជូនក្រុមបានសម្រេច។ នេះជាគ្រាប់បាល់ទី១៤ ពីការបង្ហាញខ្លួន១៨ដងរបស់ Cristiano Ronaldo ជាមួយក្រុមនៅអារ៉ាប៊ីសាអ៊ូឌីតមួយនេះ។
ជាមួយនឹងជ័យជម្នះនេះដែរ ក្រុម Al-Nassr បានពន្យារពេលលើកពានរង្វាន់ Saudi Pro League របស់ក្រុមគូប្រជែង Al-Ittihad។ ជាក់ស្តែង Al-Ittihad កំពុងឈរកំពូលតារាង មាន៦៦ពិន្ទុ ពីលើ Al-Nassr ចំនួន៣ពិន្ទុ ខណៈការប្រកួតនៅសល់តែ២លើកទៀត។ ក្រុម Al-Ittihad នឹងក្លាយជាជើងឯក Saudi Pro League ជាលើកដំបូងចាប់ពីឆ្នាំ២០០៩ បើសិនក្រុម Al-Nassr មិនឈ្នះការប្រកួតនេះ។ យ៉ាងណាក៏ដោយ ក៏ Al-Ittihad នឹងនៅតែអាចឈ្នះពានរង្វាន់បានដដែល បើសិនពួកគេអាចយកឈ្នះក្រុម Al-Feiha នៅចុងសប្តាហ៍ខាងមុខ៕
អត្ថបទទាក់ទង
MasterChef Cambodia
RED BULL POWER
