ផ្លឹស-ខេអេក ញូវ

មិនខ្លាចនឹងសារភាព! Ahn Bo Hyun សារភាពត្រង់ៗថាធ្លាប់លួចស្រលាញ់រៀមច្បងខ្លួន Song Hye Kyo តាំងពីបានសម្តែងរឿងជាមួយគ្នាលើកដំបូង

កម្សាន្ត
May 24th, 2023 (3 years)
Views: 1,134
Share

កូរ៉េខាងត្បូង៖ មិនមានការលាក់លៀមបន្ទាប់ពីរូបថតស្និទ្ធស្នាលរបស់ Ahn Bo Hyun និង Song Hye Kyo ត្រូវបានតារាសម្តែងប្រុសត្រកូល Ahn រូបនេះផុសឡើងដោយលោកក៏បានសារភាពផងដែរថា លោកធ្លាប់លួចស្រលាញ់រៀមច្បងរបស់ខ្លួន Song Hye Kyo បន្ទាប់ពីបានថតរឿង Descendants of the Sun ជាមួយគ្នារួចមក។

Ahn Bo Hyun បានសារភាពថា លោកមានចិត្តលួចស្រលាញ់រៀមច្បងរបស់ខ្លួនយ៉ាងខ្លាំងនៅពេលមានឱកាសបានសហការការងារសម្តែងរឿង Descendants of the Sun ជាមួយគ្នាដោយលោកបានបញ្ជាក់ថា ពេលនោះមានកម្មវិធីជបលៀងជាមួយក្រុមការងារដោយរៀមច្បង Song Hye Kyo បានបង្ហាញខ្លួនជាមួយរូបសម្រស់ធម្មជាតិ និងសក់រៀងរញ៉េរញ៉ៃ ជាមូលហេតុធ្វើឱ្យពេលនោះលោកបានបាក់ចិត្តលួចស្រលាញ់រៀមច្បងរបស់ខ្លួនចាប់ពីពេលនោះមក។

មុនទទួលបានកេរ្តិ៍ឈ្មោះនៅលើវិស័យសិល្បៈ Ahn Bo Hyun គឺជាតារាសម្តែងតូចតាចម្នាក់ដែលមិនអាចរកប្រាក់ចំណូលពីសិល្បៈជីវិតខ្លួនគ្រប់គ្រាន់ឡើយ រហូតលោកត្រូវស្វែងរកការងារផ្សេងទៀតដើម្បីបានប្រាក់ចំណូលបន្ថែមមកផ្គត់ផ្គង់ជីវភាព ដូចនេះលោកក៏សម្រេចធ្វើជាអ្នកដឹកជញ្ជូនទំនិញក្រៅម៉ោង។

យ៉ាងណាមិញ ពេលវេលាបានធ្វើឱ្យ Ahn Bo Hyun កាន់តែទទួលបានឱកាសការងារថ្មីៗជាបន្តបន្ទាប់ក្រោយបានចេញមុខនៅក្នុងរឿង Descendants of the Sun រួចមក បើទោះជាឈុតដែលលោកបានចេញសម្តែងក្នុងសាច់រឿងមានតិចតួចក៏ដោយ ប៉ុន្តែទេពកោសល្យ និងភាពស្រស់សង្ហាររបស់លោកទទួលបានការចាប់អារម្មណ៍ពីសំណាក់អ្នកគាំទ្រចាប់ពីពេលនោះមក។

ប្រជាប្រិយភាពរបស់ Ahn Bo Hyun បានស្ទុះឡើងខ្លាំងក្រោយលោកមានឱកាសសម្តែងក្នុងរឿង Itaewon Class ដែលជាភាពយន្តដ៏ល្បីមួយក្នុងឆ្នាំ ២០២០ និងជាសមិទ្ធផលការងារមួយដែលធ្វើឱ្យជីវិតរបស់លោកចាប់ផ្តើមផ្លាស់ប្តូរទាំងស្រុងនៅលើវិថីសិល្បៈមកទល់ពេលនេះ៕

អត្ថបទទាក់ទង