ផ្លឹស-ខេអេក ញូវ

Inter Milan ឈ្នះពានរង្វាន់Italian Cup ដោយវាយបកយកឈ្នះ Fiorentina

កីឡា
May 25th, 2023 (3 years)
Views: 349
Share

ខ្សែប្រយុទ្ធអាហ្សង់ទីន Lautaro Martinez បានស៊ុតបាល់បញ្ចូលទីពីរគ្រាប់ ខណៈដែលក្រុម Inter Milan បានវាយបកដើម្បីផ្តួលក្រុម Fiorentina ក្នុងលទ្ធផល ២-១ នៅវគ្គផ្ដាច់ព្រ័ត្រកាលពីយប់មិញ និងរក្សាតំណែងជើងឯក Italian Cup របស់ពួកគេ។

Nicolas Gonzalez បានជួយឱ្យ Fiorentina នាំមុខមុនតាំងពីនាទីទី៣ នៅកីឡដ្ឋាន Stadio Olimpico ក្រុម Inter របស់ Simone Inzaghi បានវាយបក២គ្រាប់ដោយ Martinez ក្នុងរយៈពេលត្រឹមតែ ៨នាទីប៉ុណ្ណោះ នៅក្នុងវគ្គទីមួយ នៅនាទី២៩ និង៣៧។

នេះគឺជាការឈ្នះពាន Italian Cup ជាលើកទី៩ របស់ Inter ដែលបានធ្វើឱ្យពួកគេស្មើជាមួយ Roma ។ Inter នឹងប្រកួតជាមួយក្រុមជើងឯក Premier League រដូវកាល២០២២-២៣ ពោលគឺ Manchester City នៅវគ្គផ្ដាច់ព្រ័ត្រក្របខណ្ឌ Champions League នាថ្ងៃទី១១ ខែមិថុនា ឆ្នាំ២០២៣។

ចំណែក Fiorentina ដែលធ្លាប់ឈ្នះពានរង្វាន់នេះចំនួន ៦សម័យ បានឈានដល់វគ្គផ្តាច់ព្រ័ត្រនៃពានរង្វាន់ Europa Conference League ។ ពួកគេត្រូវជួបក្រុម West Ham នៅទីក្រុងប្រាគ សាធារណរដ្ឋឆេក នាថ្ងៃទី៨ ខែមិថុនា ៣ថ្ងៃមុនជំនួបរវាង Inter និង Manchester City ក្នុងទីក្រុងអ៊ីស្តង់ប៊ុល ប្រទេសតួកគី៕

អត្ថបទទាក់ទង