ផ្លឹស-ខេអេក ញូវ

វណ្ណដា បង្ហាញអារម្មណ៍មិនពេញចិត្តចំពោះអ្នកដែលថតរូបម្តាយលោកយកមកចែកចាយពេញបណ្តាញសង្គម

កម្សាន្ត
June 1st, 2023 (6 months)
2,200
Share

ភ្នំពេញ៖ ព័ត៌មានអ្នករ៉េបវ័យក្មេង វណ្ណដា កំពុងមានស្នេហាជាមួយនារីរូបស្រស់ម្នាក់បានធ្វើឱ្យអ្នកគាំទ្រតារាចម្រៀងរូបនេះរំជើបរំជួលរហូតតាមស្វែងរកគណនីបណ្តាញសង្គម ក៏ដូចជារូបភាពរបស់ម្ចាស់ចិត្តតារារ៉េបរូបនេះហូរហែ។

មិនត្រឹមតែប៉ុណ្ណោះ អ្នកគាំទ្រក៏បានលួចថតជាប់ម្តាយរបស់លោក វណ្ណដា អង្គុយមើលរូបថតម្ចាស់ចិត្តកូនប្រុសរបស់ខ្លួនរហូតត្រូវបានអ្នកនិយមលេងបណ្តាញសង្គមចែកចាយជាបន្តបន្ទាប់ផងដែរ។

យ៉ាងណាមិញ ការផ្ទុះរឿងកំពុងមានស្នេហានេះ វណ្ណដា មិនបានចេញមុខបកស្រាយអ្វីទាំងអស់ ប៉ុន្តែនៅសុខៗកាលពីយប់ថ្ងៃទី៣១ ខែមិថុនា ម្សិលមិញនេះស្រាប់តែ វណ្ណដា បានផុសប្រយោគនៅក្នុង Story ថា៖

“សូមឈប់ថតម្តាយខ្ញុំយកមកផុសទៀត សូមផ្តល់ភាពស្ងប់ស្ងាត់ឱ្យគាត់ រៀនគោរពសិទ្ធិ និងឱ្យតម្លៃមនុស្សចាស់ផង អរគុណ”។

គួរបញ្ជាក់ដែរថា វណ្ណដា បានក្លាយជាតារារ៉េបវ័យក្មេងមួយរូបដែលបានសាយភាយកេរ្តិ៍ឈ្មោះដល់ក្រៅប្រទេស ដែលពេលនេះសន្ទុះប្រជាប្រិយភាពរបស់លោកកំពុងហក់ឡើងខ្លាំងគួរឱ្យកត់សម្គាល់៕

អត្ថបទទាក់ទង