ផ្លឹស-ខេអេក ញូវ

ខំប្រឹងស្រែកផ្តល់កម្លាំងចិត្តឱ្យឪពុកក្នុងការរត់ចម្ងាយ ៥គីឡូម៉ែត្រកូនប្រុសអត្តពលករ យី សុខសាន កំពុងធ្វើឱ្យមហាជនរំភើបចិត្ត

កីឡា
June 5th, 2023 (1 year)
Views: 342
Share

ភ្នំពេញ៖ ការប្រកួតកីឡាប៉ារ៉ាហ្គេមកំពុងចាប់ផ្តើមយ៉ាងស្វិតស្វាញដែលអត្តពលិកម្នាក់ៗកំពុងខំប្រឹងរៀងខ្លួនដើម្បីដណ្តើមជ័យជម្នះ។

យ៉ាងណាមិញ ក្រលេកទៅមើលការប្រកួតរត់ប្រណាំរបស់អត្តពលករ យី សុខសាន វិញកំពុងធ្វើឱ្យមហាជនរំភើបចំពោះទង្វើកូនប្រុសរបស់លោកជាខ្លាំងដែលខ្លួននៅតូច ប៉ុន្តែខំប្រឹងស្រែកផ្តល់កម្លាំងចិត្តឱ្យឪពុកលាយលំជាមួយទឹកភ្នែកភ័យបុកពោះជំនួសឪពុកថែមទាំងផង។

កីឡាករប៉ារ៉ា អត្តពលកម្ម យី សុខសាន ប្រកួត លេី វិញ្ញាសា រត់ ចម្ងាយ ៥០០០ម៉ែត្រ T46 បញ្ចប់ ក្នុង ចំណាត់ថ្នាក់ទី៤ ក្នុងចំណោម កីឡាករ ៤នាក់មានកីឡាករ ម៉ាឡេស៊ី បាន មេដាយមាស ហ្វីលីពីន បាន មេដាយប្រាក់ និង វៀតណាម បាន មេដាយ សំរឹទ្ធ។

គ្រាន់តែឪពុកមិនអាចដណ្តើមបានមេដាយក្នុងការប្រកួតនេះ កូនប្រុសតូចរបស់លោក យី សុខសាន បានរត់ទៅផ្តល់កម្លាំងចិត្តឱ្យឪពុកដើម្បីលើកទឹកចិត្តភ្លាម។ គួរបញ្ជាក់ដែរថា វីដេអូមួយនេះកំពុងត្រូវបានមហាជនកោតសរសើរចំពោះទឹកចិត្តចំពោះក្មេងតូចរូបនេះជាខ្លាំងផងដែរ៕

វីដេអូ៖ Jack Sey

អត្ថបទទាក់ទង